تفاصيل اليوم فى المرور لاستخراج الرخصة

مرور فيصل
من فيصل تحت الكوبرى كان مقفول بحواجز -
طلعت الكوبرى ونزلت الجامعة يوتيرن و رجعت الهرم و خدت يمين بعد النفق لحد كوبرى فيصل
ركنت قبل مدخل الفحص و دخلت المرور اشتريت الملف و ورق الفحص الفنى و البيئى و الطفاية و ورقة
للنيابة كدة ملهاش لزكة
خدت الحاجة و طلعت الفحص فحصها الفنى و خد بصمة الشاسيه و مضى و قالى خرج العربية و ارجع للضابط
رجعت للضابط بص ف الببطاقة و قال انت ساكن فى الاندلس تبقى تبع مرور حدايق الاهرام
و كتب كدة على ورقة الفحص و مضى
طلعت على مرور الحدايق فى اللبينى تحت الدارى
دخلت سالت الاستعلامات عل الباب قالى الفحص برة اطلع افحص
ليه مخلصتش النيابة بالمرة هنا مفيش نيابة
المهم طلعت و لقيت الفحص عل الناحية التانية رحت فحصوا و الضابط ختم
طلعت العربية حطتها فى جراج ب 10 ج
رجعت بالطفاية و رحت للمهندس
قالى اختم الطفاية و المثلث و العاكس و تعال
رحت كشك الطفاية جنبهم لقى الطفاية منتهية هى مفروض 5 سنين و دى محفور عليها 2011
اشتريت واحدة بحوالى 225
و رحت جبت المثلث و القمع و الاسعافات ب حوالى 225 برضه
رجعت للمهندس مضى و رحت للضابط ختم
طبعا رحت النيابة فيصل وصلت لحد المرور و فضلت ماشى مع السور لحد ما لقيت النيابة
المهم دخلت جوة و قتلهم عاوز شهادة براءة الذمة و دفعت 10 و خد بيانات من الرخصة
استنيت لحد ما ندهوا و قالى 25 تقريبا دى المخالفات الى على دفعتهم و قالى استنى
بعد شوية ندهوا و خدت وصل
بعد شوية ندهوا و خدت الشهادة
رجعت تانى على مرور الحدايق رحت المنطقة بتاعت الفحص عندها اكشاك التامين
التلات سنين ب 310 جنيها
خدت الورق كله و دخلت جوة و ادانى رقم
دخلت عل الشباك اديتها الملف قدرت الضريبة بضريبة و تلت تقريبا لانى اتاخرت
دفعت 812 و خدت الوصل و رجعتلها بيه
رحت جبت حافظة من كشك المثلث ب 25
قعدت لحد ما ندهوا اسمى من شباك 5 و خدت الرخصة

تجديد الرخصة 2020
الى اللبينى و كان زحمة جدااا عشان المرور
ال gps كان جايب ان المرور الناحية التانية من الطريق و انا افتكرت ان الفحص فعلا كان هناك و لفيت
المهم كان طابور الفحص باظظ برة ف الشارع و كان قاطع الطريق على تحت الكوبرى
شوية بشوية دخلت جوة منطقة الفحص
جه الفنى و فتحتله الكبوت و بدا يطلب فلوس بطريقة ان رقم الشاسيه مش باين
المهم سألنى على ملف الفحص قلتله مش معايا قالى هات ملف بسرعة و سيب العربية بس اقفلها من جوة
عديت الناحية التانية الى الوحدة و كانت محاطة بحواجز معدنية و استغربت جدا من الموضوع ده
و فى صول واقف بيحدد مين يخش
طبعا بعد تردد كبير و تفكير و صعوبة ف الوصول قولتله انى عاوز ملف فحص وريته الرخصة و دخلت
سالت كذا واحد و دلونى عل شباك واحد لقيته زحمة جدا و عليه طابور كبييييير
طبعا خرجت و رجعت عل الفحص و قلت للفنى و خدت العربية و ركنتها ف الباركنج بعد ما اديته 50
لانه قالى انه خلص شغله و قالى هاتها و تعال
رجعت الوحدة و عرفت انه طالما هاخد نموذج بس مش لازم اقف ف الطابور
المهم قولتله ملف فحص ب 10 و بعدين قلتله عل الطفاية قالى انت مقلتليش عليه و قالى هاته من برة
منفعش انى افحص برة الطابور و دخلت الطابور تانى و فحصت و بعدين
حد تانى فحص العربية من جوة و بمغناطيس كدة
و بعدين رحت للظابط مضى
ركنت ف الباركنج و رجعت لبتاع الطفاية
قالى صحيح معداش عليها 5 سنين بس ف فحص ف عماد الدين و قالى اديله النموذج الفحص
طلع ان النموذج من جوة و ان ابن الكلب مقاليش دخلت تانى و لقيت الشباك ازحم بكتيييير
بعد تردد رحت و طلبت كل نماذج الفحص ب 125
رجعت خدت المثلث و الحاجات و رحت لبتاع الطفاية و قالى عرقى و بتاع اديته 35
رحت لبتوع المثلث كشك جنب بتاع الطفاية قالولى انها بتتجدد مع كل تجديد
ب 350 جنيها
لازم استفسار عن النقطة دى المرة الجاية ان شاء الله
ب*987عد كدة خدت وصل بالدفع من الكشك الى جانبهم و اشتريت منه حافظة ب 60
رجعت تانى للمهندس فى منطقة الفحص مضى عل ورقة الفحص و ختمها و قالى الظابط - اسمه عصام - دخل الوحدة
ادخل امضيها منه
رجعت دخلت الوحدة و مضيت الظابط و قالى ادفع امان برة و تعال بكرة عشان النهاردة خلصنا
فيه شباك دايما زحمة جنب شباك الطفاية الناحية التانية و ده بتاع امان ب 190 و بعدين فى ماكنة وراها بروحها يدينى وصل و رقم - معملتش بيهم حاجة بس حطيتهم ف الملف
سالت عن المخالفات قالولى عن طريق البريد و بعدين عرفت انه ممكن ياخد كذا يوم
قالولى ان ف نيابة ورا المرور علطول ممكن اخد منها شهادة المخالفات
رحت تانى يوم ركنت العربية و طلعت عل النيابة و لقيت حد بيرقم
جت الموظفة و دخلنا اديناها الرخصة و طلعت الاسم و قالتلى 1430
و سالتها قالتلى مفيش تظلم مع انى كنت عامل تظلم عل النت بس مجبش نتيجة
سالتها ممكن اعمل تظلم هنا قالت لا محتاج اسأل عن النقطة دى
قعدت لحد ما الفيزا اشتغلت لان الدفع بالفيزا بس و دفعت
استنينا لحد ما الوكيل جه و مضى عل الشهادات ندهوا اسمنا و خناها و مشينا
رجعت عل المرور و اديتلهم رقم امان قالةلى خد رقم و اقعد و كان رقمى حوالى 125
لقيتهم بيندهوا من 40 الى 50
و طولوا بتاع ساعة
المهم رحت الف شوية
و رجعت بدأت مشاكل بسبب ان فى ناس بتخش علطول و مبتقعدش معانا ف الشادر
المهم وصلوا لحد 90
واحنا قاعدين جالنا حد بتاع فورى قالنا ممكن ندفع التأمين و الضريبة عل فورى و ناخد وصل و هو بياخد حوالى 100 ليه
ممكن بعد كدة ادفع عل فورى و اوفر ال 100
المهم الحساب كله كان 3285
يعنى ل 100 يبقى اجمالى الضريبة 2800 - 2900 يعنى اكتر من 900 ج عن السنة
و بعد ما دفعت مخلنيش استنى الدور و دخلنى عل جوة علطول
دخلت جوة بتاع فورى كلم صول و اداله ورقى و دخلنى عل موظف و قاله خلصه ف نص ساعة
بعد ساعة كدة رحت لحلحت الصول
اتحرك و خد ورقى من شباك فورى لشباك قدام و بص على الموظف
و ادى الرخصة للصول و اديهانى و عكمته

تجديد الرخصة 7-2023
مرور حدائق الاهرام - اللبينى
اشتريت ملف الفحص و ورق التجديد سنة ب 150
توجهت الى طابور الفحص - شافها من جوة و مضى و بعدين حد رفع رقم الشاسيه - و بعدين حد جاب قلم الفابريكا و مضى عل الورق
و بعدين مهندس الفحص مضى و اديته اكرامية 200
و بعدين الطفاية - فحص بس اتضح انها برقم الشاسيه - تم شراء طفاية من الكشك 720 و بعدين عند عامل الطفاية و مضى
ثم امان 3 اكشاك - كشك خد بيانات و كشك استعلام و كشك دفع - الدفع حوالى 435
ثم كشك فحص العادم فى ضهر اكشاك امان
التوجه الى داخل الوحدة و فى شباك الاستعلامات برة طلب صورة الرخصة و البطاقة و رحت عند شباك عند فحص العادم خدت شنطة المرور
توجهت الى الوحدة و عند الاستعلامات خدت ملف - اشتغالة - و ودانى لشباك 7
دخلت على شباك 7 ختم صورة الرخصة و رحت عند اخر شباك خدوا صورة الرخصة و مفروض بيبعتوا ملف عل الموظف
و رجعت للموظف ودانى شباك استعلام امنى و حاجة تانية جنبه بحوالى 150 ج الاتنين
و رجعت للموظف و سلمته الملف و استنيت لحد ما نده و ادانى رقم رحت بيه عل التامين الاجبارى و دفعت 105 و رجعت عل الخزنة دفعت 1260
و طابع شرطة 15
و خرجت برة الوحدة لكشك استلام الرخص