شكل النيو أكسنت

**rock828** · 09-12-2008 08:21 AM

انا كان بقالي فترة كبيرة محتار بين الاكسنت والافيو والجيتز وكام عربية كده
والحمد لله استقريت عالنيو اكسنت وحاجزتها والمفروض
اني هستلمها بعد العيد علطول
الناس كلها بتشكر فالعربية دي من حيث امكانياتها

بس اكبر عيب اكتشفتو فيها واللي لقيت ناس كتير بتشتكي منو
لدرجة اني بفكر اغير العربية هو شكل العربية من ورا مش حلو

فاكر تعليق قريتو واحد بيقول شكلها من ورا شبه الضفدعة
وانا موافقو جدا

الكلام ده خلاني ارجع لمرحلة التردد تاني وبفكر اكلم الشركة يغيرولي العربية
انا طبعا بدور علي عربية امكانياتها كويسة بس في نفس الوقت يهمني اوي شكل العربية

انا بس عايز اعرف رأي الناس اللي بتفهم في شكل العربية دي من ورا بالتحديد

**ahmedsiyam** · 09-12-2008 11:34 AM

العربية كلها زيى الفل و سيبك من كلام الناس لانه اذواق
لسه و الله اقنعت واحد من اصدقائى انه يجيبها و الراجل الصراحة مبسوط بيها و بشكلها و كمالياتها و ادائها
توكل على الله و اذا كان شكل الشنطة مدايقك هات اللون الاسود

**semihuman** · 09-12-2008 10:11 PM

شكلها تحفه و هي الاكثر عمليه بالنسبه لسعرها احسن من الجيتز لناحيه السعر
واللون الاسود و النبيتي عليها مشكله
بس جنطها و انسي

**حماده المصري** · 10-12-2008 07:23 AM

عموما الافيو عفشتها ناعمه ومريحه جدا وده منعكس على موضوع الثبات

الجيتز بالضبط عفشتها ضايعه جدا ولا منها ثبات ولا منها راحه

النيو اكسنت عفشنه ناشفه شويه بس في ثبات حلو

وبالنسبه للشكل

لولا اختلاف الازواق لبارت السلع