الموضوع: أستشاره عاجله ...

صباح الفل
نازل كره ان شائ الله اكشف على عربيه
Audi A3 2008
متسقط عليها ماتور 2.0 Tsi
الماتور مثبوت في الرخصه 1600
هل ده طبيعي ولا لا ؟؟
و أعرف منين انه نفس الماتور مش ماتور تاني ؟؟
و كيف يمكن مطابقه رقم الماتور المثبوت في الرخصه بالماتور اللي في العربيه ؟؟
و هل هيبقى فيه مشكله لما اجي انقل الرخصه باسمي في المرور ساعه الفحص و ميعاد تجديد الرخصه ( شهر 3 )
تاني حاجه الرخصه بأسم شخص رقم 1 .. و اللي بيبيع لي شخص رقم 2 اللي هو مشتريها منه
يعني رقم 2 اشتراها من 1 و مازالت الرخصه باسم رقم 1 و اللي هيبيعلي رقم 2 .. اكيد كده معاه توكيل او عقد ايه الخطوات اللي اقوم بيها لحفظ حقوقي و ميبقاش في مشاكل ساعه نقل الرخصه باسمي بعدها ؟؟
هل حد قابلته مشاكل في حالات مشابهه ؟
او حد معاه مشكله مع العربيه ؟؟
او مع الماتور ال 2000 Turbo TSI
ارجو الافاده

اخر سؤال .. اسعار قطع غيار العربيه الاوقات دي اخبارها ايه ..
انا عارق انها نفس جولف و باسات و جيتا و سكودا
هل الاسعار مقبوله ولا مبالغ فيها ؟؟

هل العربيه جيده في استخام يومي و مشاوير يوميه كثيره
مع العلم اني يوميا بتحرك كتير جدا بالعربيه مع العلم ان العربيه عامله
180.000 كيلو
و لما سألت اكتر من فني قالي ان عداد الاودي او الموديل ده بالخصوص مش بيتصفر
يعني العداد ده معمول على ماتورين 1600 ستوك و الحالي 2000 تيربو TSI
ارجو الرد لأني مفروض هكشف انهارده او بكره شكرا

بجد انا سعيد ان ربنا وفقك وبعدت عن العربية دي، دور شوية هتلاقي عربيّات استوك حالة كويسة وبعدين موضوع قطع الغيار دي بقي غالي جدا بس علي مستوي كل الموديلات بعد زيادة الأسعار ،، هات العربية الي تريحك والي حالتها كويسة مش هتقرفك