التوكيلات و العقود المسجله

**Kapoox** · 27-08-2017 01:38 PM

صباح الفل
دلوقتي انا بجيب عربيه مستعمله ..
في عربيه شوفتها و عايز اخلص فيها بس فيها حاجات مش فاهمه ..
دلوقتي اللي انا هشتري منه مش مالك اول ..
هو معاه عقد مسجل و العربيه فيها توكيلين غيره ..
و الرخصه بأسم صاحبه العربيه الأولانيه خالص
دلوقتي الرخصه بأسم الست اللي جابتها زيرو ..
باعتها لشخص ما بتوكيل .. راح هو كمان بايعها بتوكيل !
و الاخير باعها بعقد مسجل للي انا هشتري منه ..
دلوقتي انت لو في نصيب و هاخدها ..
هاخدها بعقد مسجل طبعاً، طيب و التوكيلات اللي معموله دي في منها قلق ؟
و لو خدتها و روحت انقل الرخصه باسمي ( ميعاد انتهاء الرخصه ٤-٢٠١٨ ) هيبقى فيها مشكله او لف ولا عادي ؟
و هل هحتاج كل التوكيلات دي تبقى معايا ؟؟
فرضاً انا اخدتها .. الرخصه بأسم واحده تانيه غير اللي بايعهالي .. كده هبقى محتاج تسلسل الاوراق مش كده ؟؟
طيب و لو قالي معيش التوكيلات !؟
ياريت تفيدوني عشان الموضع محير و انا مش عارف اعمل ايه في الحالات دي
شكراً

**salam100100** · 27-08-2017 01:51 PM

المفروض العقد المسجل بتاع البايع اللى حضرتك هتشترى منه لازم ينقل ملكيه باسمه
هو المسؤال عن التسلسل بتاع التوكيلات (اصول طبعا) وهو مسؤال بنقل ملكيه باسه
بعد كدا هو يقدر يبيع لحضرتك بتوكيل او عقد بيع

دا الصح

**Kapoox** · 28-08-2017 09:23 PM

تمام جداً
طيب او مش معاه اي توكيل فيهم ؟ او معاه بس مش اصل ؟ هل الامور بتمشي في المرور ولا هتبقى مشكله ؟
يعني هيقولولي انت دلوقتي مشتري من فلان ده و الرخصه باسم حد تاني .. فين تسلسل الاوراق اللي بتوصل ملكيه السياره للشخص ده عشان يبعلك اصلا ولا بيعدوها ولا ايه ؟