على ما اعتقد لازم يتفك
MMamdouh
عرض للطباعة
على ما اعتقد لازم يتفك
MMamdouh
لتغيير كتاوت الدينامو.......يتم الاتى.................................حل الدينامو واخراجة الى خارج السيارة........يتم بعد ذلك حل الوش الخلفى للدينامو.....يتم حل الكتاوت(موجود بجوار موحدات التيارفى المنطقة الخلفية للدينامو)......يتم بعد ذلك تغيير الكتاوت التالف.......ملحوظة!!!!!لن تستطيع رؤية الكتاوت الابعد تفوير الدينامو
معلش يا جماعة انا عارف ان اسئلتي كتير
بس انا نزلت لفيت على كام كهربائي علشان أغير كتاوت الدينامو كانوا بيبصولي على اساس اني من كوكب غريب وعايز اعمل اختراع :120105~352:
وقالولي لو فكينا الدينامو ممكن يبوظ وهتجيب واحد استيراد قلت مش مشكلة المهم أخلص من المشكلة ونجتهد في حلها ، وقالولي انت السبب اللي جبت بطارية سايلة بدل الجافة يبقى تستحمل جزاء ما فعلت :shine[1]:
بس كنت عايز أعرف الكتاوت اللي جوه الدينامو متوفرة زي كتاوت الكلاكس والنور وكده ولا نادرة ولازم تيجي استيراد ؟
مش أنا قولت لسيادتك روح لكهربائى سيارات!!!!!!!!!!!!!!!!!!!!!!!!!!!!!!!!!!!!! لشان اللى بيقولك انك أنت السبب وأن البطارية السائلة بتتلف الدينامو والجافة لا مش ممكن يكون كهربائى سيارات............عموما لو الدينامو الاستيراد متاح عندك هاتة واتفق مع البائع على أنة تحت التجربة.........وبعد ذلك ابفى اعمل صيانة للقديم وشيلة احتياطى للذى تم ابدالة.........لأن الاستيراد ممكن بعد كدة يحتاج تغيير شربون أو كتاوت أيضا بعد فترة خدمة معينة (حسب حالتة)..........والكتاوت ياأخى هذا ببساطة عبارة عن مفتاح تحكم اّلى (عن بعد) ويقوم بفصل تيار الشحن الذاهب الى البطارية بعد تشبعها بالطاقة الكهربية حفاظا على البطارية......وموجود فى معظم الأماكن وممكن يركب بين الأنواع المختلفة للديناموهات......ومش صح أن الواحد يرمية علشان الكتاوت
الاخ AMO11
انا عندي نفس مشكلتك
عارف ايه المشكله ان انا من الزقازيق و عندي ميكانيكيه و كهربائيه بوظولي السليم ف العربيه و لما قريت هنا ف المنتدى اكتشفت ان المشكله ان مفيش ميكانيكي و كهربائي عندنا بيفهم كله بيعك و بس اللي بيفهموا امثال محمد عبده و محمد السيد مش موجودين للاسف الا فمصر ام الدنيا
هو ده اللي انا باخاف منه ....
مرة رحت لميكانيكي علشان كان عندي عطل بسيط في الدبرياج طلعت من عنده العربية مش طبيعية بتعلى وتوطى وخلتني ادخل في عربية بسبب عدم ثبات السرعة مع ضغطة البنزين ، وكل ما اضغط بنزين اسمع صوت حديد في حديد بيخبطو في بعض تحت الفتيس ومكنتش لاقي حد عارف ايه هو الصوت ده غير إن استهلاك البنزين عالي كان 80 كيلو في الصفيحة وحاجات غريبة حصلت بسبب مشكلة كان ممكن أطنشها ...
ولفيت كتييييييييييير وصرفت أكتر من 2000 جنيه على حاجة مش مستاهلة غير اللف على الصنايعية بكرة وبعده والكلام ده وفي الآخر حرمت أصلح حاجة غير لما تكون جابت اخرها. علشان كل صبي صنايعي سابه وفتح محل لنفسه.
حاليا عندي البطارية شغالة كويس والحمد لله لكن بتفور جاااامد جدااااااا ايوه هي مشكلة لكن حلتها بإني حطيت قطعة كاويتش جواني كبير تحتها علشان مية النار متبهدلش حوض المتور ، وحتى لو عمر البطارية اتأثر مش مشكلة المهم إنها شغالة أحسن من لما تتركن خالص ، وكل لما باروح لكهربائي جديد باسأله على الحل وملقتش حد عارف لغاية دلوقتي.
قلت أسأل في المنتدى وأجرب وربنا يسهل
شكرا لردك بس للأسف كلهم بيقولوا كده ههههههههههههه وبيعتبروني جاي من كوكب تاني وهاعرفهم شغلهم أنا جربت 12 كهربائي وكلهم بيقولوا نفس الكلام وأنا مش مقتنع بيه ، وفي منهم شايفه مش عارف وهيتعلم فباقول يتعلم بعيد عني :wink:
وكنت عامل إن الكتاوت في علبة الفيوزات وهيتغير بسهولة لكن طلع عايز كهربائي وفك وتركيب وربنا يسهل وألاقي حد فاهم أو اشوف أي حد يفك ويجرب ولو منفعش هاشوف دينامو جديد وخلاص.
ياجماعة العيب دة سهل جدا( تغير الكتاوت) واى حد يحب يعملة عن طريق واحد انا باثق فية مافيش مشكلة ممكن يتصل بي
بص أنا حاقولك عي فكرة نفذتها في عربيتي السابقة عند كهربائي سيارات ثقة قالي بدل ما تشتري كتاوت دينامو داخلية(يعني راكبة في الدينامو الاصلي) ودي بتبقي غالية شوية وليس من السهل انك تلاقيها بسهولة حانركب كتاوت خارجي زي ال كانت بتيجي في العربيات العادية (الكاربيتير) بتاعة زمان ودي بتبقي أقوي من الداخلية ومعمر ة ووممكن أصلاحها كمان وسعرها بيبقي ارخص وسوف تؤدي نفس الوظيفة...............طيب أنت حاتقول أحنا أحسن من ال صنعوا العربية حاقولك اه لان وجهة نظرهم توفير حجم الكتاوت الكبير نسبيا لاكن الاداء للكتاوت المنفصلة أحسن ومعمر وفضل شغال في عربيتي السابقة لمدة 7سنوات لغاية ما بعتها بدون مشاكل