خلال مشوار لى بالسيارة ركنت وشغلت السيارة فلم تستجب وكان مقلب محترم وبهدلة ودارت بالزق من اولاد الحلال .
قبلها بمدة كانت لمبة البطارية الحمراء منورة فى التابلوه بشكل خفيف جدا(تسرية) وانا ماهتمتش .
تانى يوم رحت للكهربائى واكتشف ان وصلة الكهرباء الخارجة من الدينامو للبطارية محترقة تماما العازل غير موجود والشعر النحاس متفحم .
العيب كان ان صنايعي منه لله كان عامل وصلة في السلك اى كان السلك مقطوع ومتوصل بطريقة البرم باليد بدون لحام فطبعا الوصلة مع الحركة اتهزت وطلعت ماس وولعت.وكمان كانت نهاية السلك فيه ترملة 12 السلك مكانش ملحوم فيها وكان مضغوط على السلك بالبنسة والسلام .
وطبعا الدنامو مكانش بيشحن البطارية لانى كنت ماشى وعندي حريقة صغيرة فى كل مشوار وانا معرفش وكانش فيه ريحة حريق او اى شئ يدل على المصيبة دي.حاسبوا جدا يا جماعة من كهرباء السيارة وراجعوا عليها .
تحياتى