بيجو 508 و بي ام 318i و مرسيدس CLA 180

**car seeker** · 02-09-2017 06:19 AM

السلام عليكم

أول مرة في حياتي أشارك في منتدي من أي نوع و لكن الأسعار اللي وصلت لها العربيات في مصر خلت القرار كبير و مصيري و صعب و الواحد خايف يجيب حاجة و تطلع مش قد كدة...

أنا بقالي فترة بحاول أفاضل بين بيجو 508 و بي ام 318i و مرسيدس CLA 180 .... و بعد تفكير عميق حجزت البي ام دبليو .... و لكن جالي هاجس اعادة البيع تاني و انا خفت من البي ام ... فلوسمحتوا لو في حد يعرف يفيدني في الأسئلة الجاية أكون شاكر جداً
١. اعادة البيع للبي ام 318i لسة سيء و بيخسر ولا تحسن .... معلوماتي انه اتحسن ولكن لقيت ناس كتير بتقول عكس كدة..
٢. ال CLA احسن ولا البي ام 318i ... في ناس بتقول علي ال CLA انها مفيهاش فخامة المرسيدس المعتادة و انها بسيطة من جو و انا ركبتها و دة صحيح ...بس اللي يهمني هنا هل هي ضعيفة مقارنة بالبي ام ولا مفيش فرق ... عشان موديل ٢٠١٨ منها ١٢٢ حصان ١٦٠٠ سي سي ٤ سيلندر .... اما البي ام ١٣٦ حصان ١٥٠٠ سي سي ٣ سيلندر .... وهل فرق السيلندرات دة ليه لازمة ولا العبرة بالعزم و القوة الحصانية
٣. هل البيجو خيار جيد و موفر بين المرسيدس و البي ام ... ولا الفرق بين الفرنساوي و الألماني مازال يستاهل

شكراً مقدماً يا جماعة