A trip around Sinai

**amrcd1** · 09-12-2008 12:31 PM

انا استلمت gen 2009 من حوالى شهر . و بعد ما خلصت التليين بتاعها . قلت لازم اطلع بيها طلعا بعيده عشان اجرب كل حاجه فيها و ابقى مطمن لما اسوقها خصوصا بعد كل الى سمعتو عنها فى المنتدى من عيوب و اصوات غريبه و مشاكل كتيره. المهم انا قولت ا حكولكو عن تجربتى.
انا طلعت بالعربيه من الاسكندريه الى القاهره ثم العين الشخنه - العربيه جابت معايا 210 210 كم على طريق السخنه و الصراحه كنت حاسس انها ممكن تجيب اكتر بس قلقت- المهم طلعت من السخنه على السويس و بعدين عديت النفق بقيت فى سيناء اخدت الطريق الساحلى لغايت شرم الشيخ و بعدين قعدت 4 ايام هناك و طبعا لف طول الليل فى شرم و بعد كده طلعت على دهب - 100كم من شرم- قعدت يوم و بعد كده رجعت شرم يوم ثم رحت لغاية طابا 220 كم من شرم و بعد كده رجعت على نويبع - 50 كم من طابا- قعدت يوم و رحت واخد الطريق من نويبع الى طابا ثم الطريق فى وسط جبال سيناء من طابا الى السويس - حوالى 330 كم- ثم العوده الى الاسكندريه.
مسافة الرحله 2500كم
متوسط السرعه من 140-180 كم / ساعه
متوسط استهلاك البنزين 10كم /لتر
المهم الطرق كانت معظمها منحنيات شديدة الخطوره و اخدت معظمها على سرعات عاليه و فعلا كنت حاسس بالثبات و القوه طول الطريق. المهم انا دلوقتى مطمن.http://www.nilemotors.net

**ecybrarian** · 09-12-2008 01:11 PM

تحياتي. انت عملت حاجة كان طول عمري نفسي أعملها. بس كنت هازود عليها التصوير. بصراحة شجاعتك في عمل الرحلة أهم عندي من تقييم السيارة (على الرغم من إننا في منتدى السيارات) تبقى استاذ لو عملت الرحلة دي غربا (مرسى مطروح-سيوة-الوادي الجديد) بس من غير عربيتك علشان الطرق هناك محتاجة عربيات مخصوصة.

أما تقيمك للعربية لم يكن مفاجأة بالنسبة لي. لأني من الناس إللي بتحترم Gen 2 جدا. وأرى أنها عربية ملهاش حل من جميع الأوجه (ماعدا فخامة الصالون). ولكن عندي مجموعة من الأسئلة:
- كنت لوحدك ولا معاك حد؟ ولو معاك حد، كنت بتبدل معاه ولا انت بس إللي سايق؟
- الرحلة ماكنش فيها غير عربيتك ولا كانت الرحلة فيها أكثر من سيارة؟
- عملت أيه في موضوع تموين البنزين؟ (كل ما تلاقي بنزينة بتفول)
- ما أكتر وقت سواقة أمضيته في الرحلة؟
- هل كان في متاعب في القيادة مع الوقت الطويل(أعتقد كراسي العربية مش مريحة لساعات من القيادة)؟
- أخبار الاستهلاك والسرعة ايه مع التكييف (أعتقد أن مش ممكن توصل للسرعة دي وفي شباك مفتوح)؟
وسؤال أخير مالوش دعوة بالعربية
- ما فيش مغامرات أو مواقف حصلت في الرحلة؟

وحمدا لله على سلامتك

**ecybrarian** · 09-12-2008 01:11 PM

Opps
Sorry,repeated message

**amrcd1** · 09-12-2008 01:28 PM

المشاركة الأصلية كتبت بواسطة ecybrarian

تحياتي. انت عملت حاجة كان طول عمري نفسي أعملها. بس كنت هازود عليها التصوير. بصراحة شجاعتك في عمل الرحلة أهم عندي من تقييم السيارة (على الرغم من إننا في منتدى السيارات) تبقى استاذ لو عملت الرحلة دي غربا (مرسى مطروح-سيوة-الوادي الجديد) بس من غير عربيتك علشان الطرق هناك محتاجة عربيات مخصوصة.

أما تقيمك للعربية لم يكن مفاجأة بالنسبة لي. لأني من الناس إللي بتحترم Gen 2 جدا. وأرى أنها عربية ملهاش حل من جميع الأوجه (ماعدا فخامة الصالون). ولكن عندي مجموعة من الأسئلة:
- كنت لوحدك ولا معاك حد؟ ولو معاك حد، كنت بتبدل معاه ولا انت بس إللي سايق؟

- كان معايا 3 يعنى كنا اربعه فى العربيه و انا الوحيد الى كنت بسوق
- الرحلة ماكنش فيها غير عربيتك ولا كانت الرحلة فيها أكثر من سيارة؟
كانت عربيتى بس
- عملت أيه في موضوع تموين البنزين؟ (كل ما تلاقي بنزينة بتفول)
(كل ما تلاقي بنزينة بتفول) لان بنزين 92 مش كتير هناك
- ما أكتر وقت سواقة أمضيته في الرحلة؟
حوالى 10 ساعات متواصله و انا رابح
- هل كان في متاعب في القيادة مع الوقت الطويل(أعتقد كراسي العربية مش مريحة لساعات من القيادة)؟
لأ ماكنتش تعبان كنت مرجع الكرسى ورا و مرتاح جدا
- أخبار الاستهلاك والسرعة ايه مع التكييف (أعتقد أن مش ممكن توصل للسرعة دي وفي شباك مفتوح)؟
السرعه القصوى جبها وانا مشغل التكييف
وسؤال أخير مالوش دعوة بالعربية
- ما فيش مغامرات أو مواقف حصلت في الرحلة؟
اكيد فى بس بعدين هحكى
وحمدا لله على سلامتك

.................................................. ...........................

**batoot556** · 09-12-2008 10:24 PM

تمام تمام يا باشا ربنا يحميهالك بس الاهم هو
1-الاصوات والحاجات اللى الاعضاء اتكلموا عنها اية اخبارها (5 اصوات
2- بالنسبة لموضوع السحب بتاع العربية اية اخبارة على سرعات عالية وقليلة
3- تقيمك للعربية عامة
وكل سنة وانت طيب ويا ريت تشرح يا باشا بالتفصيل كل الحاجات دى علشان نفيد كل الاعضاء وكمان انا نفسى فى جين 2009 بس خايف شوية واكيد فى اعضاء كتير نفس القصة

**barakota** · 09-12-2008 10:42 PM

العربية فيها mp3 و لا زى ما هى

**mazagnge** · 09-12-2008 11:56 PM

نجم يا مان و ربنا يطرح لك بركاتها يا رب و يبعد عنك شقاوتها

و تجربة مميزة ينقصها الصور

**ahmad alshaaer** · 10-12-2008 04:41 AM

طبعا ياياشا فيها mp3
وانا عندي تحفظ لو كانت بيرسونا اوتوماتيك
انها كبيرها 185
ولا انت متاكد

**amrcd1** · 10-12-2008 02:10 PM

المشاركة الأصلية كتبت بواسطة batoot556

تمام تمام يا باشا ربنا يحميهالك بس الاهم هو
1-الاصوات والحاجات اللى الاعضاء اتكلموا عنها اية اخبارها (5 اصوات
2- بالنسبة لموضوع السحب بتاع العربية اية اخبارة على سرعات عالية وقليلة
3- تقيمك للعربية عامة
وكل سنة وانت طيب ويا ريت تشرح يا باشا بالتفصيل كل الحاجات دى علشان نفيد كل الاعضاء وكمان انا نفسى فى جين 2009 بس خايف شوية واكيد فى اعضاء كتير نفس القصة

1- مفيش اصوات.
2- السحب تمام على سرعات قليله و معظم الطرق كانت على منحدرات عاليه و تحتاج عزم قوى و عمرها ما قصرت .

**amrcd1** · 10-12-2008 02:14 PM

المشاركة الأصلية كتبت بواسطة tweety26980

طبعا ياياشا فيها mp3
وانا عندي تحفظ لو كانت بيرسونا اوتوماتيك
انها كبيرها 185
ولا انت متاكد

ايوا جابت 210 بس اخدت وقت عشان تجمع السرعه دى . هى لغاية 180 تجميعها بسرعه بعد كده بتاخد وقت و لازم تكون حارق على الغيارات كلها عشان تعدى 200 و على فكره العربيه gen2 automatic مش بيرسونا.