السادة اعضاء المنتدي المحترمين، كل عام و حضراتكم جميعاً بألف خير.
معايا عربية ليون 2009 مانيوال، العربية ممتازة فعلاً و عاجباني جداً بس للأسف فيها كام مشكلة مخلياني مش طايق اسوقها ولا اركبها، في الحقيقة هي حاجات اعتقد انها بسيطة بس للأسف مش قادر احدد ايه هي المشكلة بالظبط، يعني مثلاً في الزحمة فجأة الاقي الrpm يرعش مرة او مرتين كده و بعدين يظبط تاني مع العلم اني غيرت موبينة و غيرت فلتر بنزين و غيرت بوجيهات كمان، مع تشغيل التكييف الrpm بيعلي ل1، ابتداء من سرعة ال 120 صوت الهوا بيبقي جامد جدا جوا العربية، الموتور عالسلانسيه فيه رجّة كده و بسبب كده غيرت قواعد موتور بس بردو مفيش فايدة، العفشة حاسس انها ناشفة شوية مع اني روحت للعفشجي و قالي قطع العفشة كويسة و مفيش حاجة جامدة محتاجة تتغير، نور العربية الامامي ضعيف جدددددداً مع اني ركبت لمبتين led بس بردو مافرقوش كتير.
مش عارف مع إني بحب العربية دي جدا و بستمتع بسواقتها، بس بصراحة من ساعة ما ظهرت المشاكل دي واحدة ورا التانية و انا متدايق من العربية و بتعصب قوي لما باسوقها.
ارجو الافادة بالله عليكم لأني خلاص بفكر جدياً اني ابيعها.