أولاً .. نتمني الخير والاستقرار لبلدنا الغاليه مصر.
ثانياً .. تقديري المتواضع حسب متابعتي والمعطيات الموجوده هو كالتالي:
- مفيش سبب ملموس قوي يدعم ارتفاع قيمه الجنيه امام الدولار بقوه الفتره القادمه .. للأسف لا زيادات مطرده في الإنتاج والتصدير ولا جذب قوي للإستثمارات الخارجيه .. ولا حتي خلصوا اللايحه التنفيذيه لقوانين الإستثمار.
- الوضع مستقر بسبب تدفق رؤس الأموال الساخنه المؤقته في استثمارات اذون الخزانه الـ 20% + تلجيم حركه السوق في الاستيراد والاستهلاك مع سحب السيوله من الناس بشهادات الـ 20% .. فالدنيا واقفه.
- أتوقع استمرار الاستقرار في سعر الصرف الي ما بعد إنتخابات العام القادم علي خير
- الدولار قيمته بالفعل بتنخفض كل سنه ولكن بنسبه ضئيله جدا حوالي 0.25% .. ولكنه اختيار ممتاز لان بيدعمه اكبر اقتصاد بالعالم .. لذا تقلباته القويه شبه منعدمه .. علي عكس الجنيه.
ثالثاً .. ايه افضل اختيار لكي بالترتيب :
1- شراء معادن نفيسه .. ذهب مثلاً .. أضمن بكتير من اي عمله ومن الدولار بالطبع.
2- الإحتفاظ بالدولار
3- التحويل لمصري واخذ الـ 20% الفايده .
توضيح .. لو حولنا الدولار لمصري وعملنا شهاده 20% النهارده بسعر الدولار 17.6 .. وبعد سنه ونصف يعني في يناير 2019 الدولار وصل لـ 22 جنيه او يزيد .. يبقي الإحتفاظ بالدولار كان أكسب .
توضيخ اخير .. في الإقتصاد لاشئ مضمون كلها تكهنات حسب المعلومات المتاحه .. يمكن الاسبوع الجاي تقوم حرب نوويه بين امريكا و كوريا .. وساعتها الدولار هيتهبد بالارض .. والذهب واليورو هيكونوا في السمــــــا
بالتوفيق.
المفضلات