التكيف عندى بيفصل ويشتغل كل شوية عايز حد بيشتغل فى الرينو

السلام عليكم
معايا لوجان 2010 ومحتاج حد يكون بيشتغل فى تكييف اللوجان عشان فيه مشكلة عندى التكييف بيفضل يفصل ويشتغل كتير جدا ممكن يدى تكات كتير ورا بعض وده عامل ربكه فى العربية الاربى ام بيعلى لوحده وينزل مع كل تكه فصل ورحت بالعربية بره التوكيل لقوا الفريون ناقص النص تقريبا شحنوا فريون وبرضوا رجعت زى ما هى بعد دقايق رحتلهم تانى قالى غالبا ده محتاج تغير الكمبرسور واسال برضوا فى التوكيل من باب التاكيد رحت بيها التوكيل اول مره راحوا سحبوا الفيريون وشحنوه تانى ونضفوا السربنتينه خرجت بيها لقيتها زى ما هى رجعتلهم تانى مره راحوا قالولى ظبطناها برضوا فى شحنة الفريون وخرجت بيها لقيتها زى ما هى رجعت التوكيل تالت مره قالى هتبات قعدت معاهم يومين وفى الاخر قالى نضفنه ضفيره االتكييف ولو العيب رجع تانى يبقى محتاج تغير سوتش التكييف وخرجت من التوكيل ولقيت نفس المشكلة مردتش ارجع تانى لانى صراحة مبقاش عندي ثقة فى التوكيل تمام لانهم تقريبا ماشين سمك لبن تمر هندى ومش عارف العيب دلوقتى منين سوتش تكييف ولا كمبرسور ولا ايه المشكلة
ياريت حد يفيدنى فى المشكلة دى