بابا ولا ماما وموقف ادعو الله الا نقع فيه

**muslimah_dentist** · 09-12-2008 06:59 PM

موقف مؤثر جداً .

الأب و الأم هما عطر الحياة و معناها الحقيقى و كما تُحب أن يعاملك أبنائك عامل والديك.

و هأحكيلك موقف مُشابه حصل مع واحدة صاحبتى كانت والدتها مريضة مرض شديد و كانت فى المستشفى تقريباً بين الحياة و الموت فاتصلت بيا مرة واحدة صاحبتى و قالتلى : ان فلانة والدها توفى
قلتلها:والدها ايه يا بنتى ،قصدك مامتها
قالتلى:لأ والدها
قلتلها : يا سبحان الله ، مش مامتها اللى كانت تعبانة
قالتلى: اليوم اللى رجعت فيه والدتها من المستشفى قعد والدها على كرسى و قال اعملولى شاى و سبحان الله مات و هو على الكرسى

قلت ساعتها : يا سبحان الله لكل أجل كتاب .

فسبحان الله الذى جعل لكل شئ وقت مُحدد حتى الموت.اللهم ارحمنا برحمتك الواسعة يا أرحم الراحمين

**mada121977** · 09-12-2008 07:22 PM

لا حول ولا قوة الا بالله
ربنا يرحمه ويصًبر اهله

**night_whisper** · 09-12-2008 07:24 PM

[align=center]مش عارف أقول أية
ربنا يرحمه يا رب و يجعل مثواة الجنة
أتمنى من كل أنسان أن يتقى الله فى والدية قبل فوات الأوان لان ساعتها لم يفيد الندم
ربنا يخلى لنا والدينا قى الدنيا و يحرمهم فى الأخرة يا رب[/align]

**D . a .\ AYMAN** · 09-12-2008 09:41 PM

[align=center]الف شكر على الموعظة

اللهم إحفظنا فوق الأرض وتحت الأرض ويوم العرض عليك[/align]

**أبومعاذ** · 09-12-2008 09:49 PM

يغدو المرء و يروح في أهله و الموت ادنى من شراك نعله
اللهم أحسن خاتمتنا

**ehab08** · 10-12-2008 07:34 AM

لا حول ولا قوة الا بالله

**polo61** · 10-12-2008 09:41 AM

المشاركة الأصلية كتبت بواسطة Noha-Esmat

لا إله إلا الله ولا حول و لا قوة إلا بالله

فعلا موقف بجد مؤثر لما الواحد يلاقى فجأة نفسه ممكن يخسر حد من أعز الناس ليه .... و أنا كنت لسة عاملة مشكلة مع مامتى من يوم الوقفة و كان مفيش كلام بينا لغايط من شوية (يا دوبك قولتلها امبارح كل سنة و انتى طيبة من تحت الضرس عشان يبقى عملت اللى عليا) و انهاردة لسة من شوية قمت من على النت اللى قاعدة عليه ليل و نهار و سايباها .. قمت عملتلها حاجة تشربها عشان كان عندها برد و قعدت معاها و قعدنا نحكى و كأن شيئا لم يكن ... و أجى دلوقتى بعدها بمفيش الاقى الموضوع ده....

مش عارفة هيفضل الكبر و العند اللى بينا و بين أهالينا لامتى امتى الواحد هيقول انا اسف على الاهمال و العند و قلة الذوق اللى كان بيتعامل بيها معاهم

ولا لازم توصل لموقف نلاقى حد من الاتنين هيضيع مننا عشان نحس بقيمتهم :k30::k30::k30:

شكرا على الموضوع اللى جه على الجرح يا نايل ستورم

بجد موقف صعب
الله يرحمه ويحسن اليه ويتقبله تقبل حسن
اقتبست مشاركة نهى بجد عجبنى موقفك من والدتك حفظها الله لكى والف سلامة لها
ياريت كل البنات والشباب فعلا يحسوا نفس احساسك الراقى يانهى
نايل ستورم ربنا يكرمك شكرا على المشاركة الرقيقة
وكل سنة وانتو طيبين كلكم

**Nile_Storm** · 10-12-2008 11:41 AM

المشاركة الأصلية كتبت بواسطة OlaOsman

الله يكون في عونك يا نايل ستورم.. انا مش عارفة لو حصل لي موقف زي ده و حد يقول لي سلام عليكم و بعدها بثواني يموت هايكون احساسي ايه.. بس متأكدة كويس اني هاسأل نفسي ليه ربنا اختارني انا بالذات عشان انا اكون في الموقف ده؟ ليه انا آخر واحدة يكلمها الراجل ده الله يرحمه؟ أكيد في رسالة من ده كله.. لا شئ يحدث عبثا و تعال الله عن ان يحدث شئ عبثا.. كل شئ عند الله بقدر.

الله يرحمه و يرحم الأحياء و يصبرهم و يبصرهم يا رب.

الف شكر للجميع علي الردود
و ربنا يباركلنا في ابائنا و امهاتنا جميعا
بجد حسيت ان الدنيا مش مستاهله

و شكر خاص ليكي ياعلا بجد نبهتيني لنقطه مكنتش بفكر فيها
و محتاجه وقفه مع النفس فعلا

**Mohd_Adel_Amin** · 10-12-2008 12:49 PM

ربنا يكون في عونك يا نايل ستورم على المواقف المشابهة وأتمنى ان قلبك لا يتحجر مع الوقت زي ما حصل مع دكاترة كثير من اللي بيشتغلو في الطوارئ ...
ويا رب يحفظ آباءنا وأمهاتنا في الدنيا والآخرة .. ويكون في عون الطفلة وفي عون كل الأيتام .
وجزاك الله خير على الموضوع .