( انا الحق استخبى بقى )

**MedaSam** · 11-12-2008 05:41 AM

المشاركة الأصلية كتبت بواسطة megdb109

متشكرين يا جماعه على الروح العاليه جدا
انا الحمد لله بقرأ الادعيه من اول دعاء الخروج من المنزل الى دعاء دخول المنزل ودبحت فى العيد غير الاضحيه دبيحه تانيه
المهم سيبكوا من كل ده الاهم ايمان الانسان بان قضاء اخف من قضاء وربنا بيقطع من هنا وبيوصل هنا لانه فى نفس اليوم مضيت على مشروع كبير والحمد لله

ربنا يباركلك ....... أنت فعلا انسان مؤمن و محترم ....... و الحمد لله على كل شئ ...... قل لن يصيبنا الا ما كتب الله لنا

**THETOP** · 11-12-2008 05:59 AM

قدر الله ما شاء فعل يا باشا

انا بقى حصلتلى حاجة حلوة اووى

راكن العربية فوق الرصيف تحت البيت ومغطيها تانى يوم بشيل الغطاء

لاقيت خير اللهم اجعلوا خير خبطة فى الشنطة :(

ازاى معرفش برغم انها فوق الرصيف وحاطط حاجرين بتوع الرصيف عشان الملفات

بجد حاجة يعنى تحزن بجد

وطلما انت فى مصر بجد مدقش على الحاجات دى لانك لو ركزت فيها هاتتعب اخر حاجة ............... :$

عامة الحمد لله وقدر الله ما شاء فعل :)

والله المستعان ...

ويجعله عامر :)

**Tamer-Ezzat** · 11-12-2008 07:47 AM

مش عارف اقول حاجة ...
اسرع بالترخيص علشان النحس ينفك ...
قدر الله وما شاء فعل ... أصبر واحتسب ..
تصدق ان اول يوم العيد كنت قاعد مع واحد صاحبى وجت سيرة العربيات الزيرو اللى بتتخبط ... المهم حكيت على الحادثة الاولى بتاعة الشيروكى الراجل اتأثر جدا لدرجة انى ندمت انى حكيتله ...
ربنا يكون فى عونك .. ويعوضك خيراً

**Sout_Sout** · 11-12-2008 02:45 PM

ههههههههههههههههههههههه
ايه ياعم انته
فى ايه
ههههههههههههه
انا آسف
بس حضرتك بطريقة كلامك
لو انته سارق العربية وربنا غضبان عليك مش هيحصل كده
انا بهزر والله
والله انا زعلانلك
واحنا فى البلد الوسخة دى كل واحد يشوف حد جايب عربية جديدة يحسدة بطريقة وسخة
معلش يا باشا
اللى يجى فى الريش بقشقيش
كل ده مايزعلكش
ضفر حضرتك بالعربية كلها
وربنا يعوضك