الموضوع: استفسار بخصوص أنسب زيت لسياره هيونداى اكسيل 97 1500

آدمن!!!

هو أنا مش آدمن علي فكرة .. وهنا منتدى والله مش صفحة فيسبوك

كل سنة وحضرتك طيب...


عموما.. دائما وأبدا.. أنسب زيت لعربيتك هو المكتوب في كتالوجها.. وتقدر تنزل كتالوج الإكسل من هنا:
https://drive.google.com/file/d/0B5R...ew?usp=sharing

الكتالوج بتاع موديل 92 بس هي نفسها عربيتك...

مواصفات الزيت مكتوبة في صفحة (6-5) يعني الصفحة 5 من القسم السادس في الكتالوج (صفحة 99 في الملف الـPDF)..

مواعيد تغيير الزيت مكتوبة بردو في الكتالوج.. في صفحة (5-3) و (5-4) و(5-5)

حسب المكتوب هناك... مواصفات الزيت المناسب كالتالي:

مستوى جودة لا يقل عن API SG...
يعني تقدر تستخدم زيت بمستوى أعلى زي SH أو SJ أو SL أو SM أو SN

اللزوجة.. أي حاجة من الدرجات دي تنفع:
20W-50 أو 20W-40
10W-50 أو 10W-40 أو 10W-30
ممكن تستخدم لزوجة 5W-40 أو 5W-30 أو 5W-20 بشرط يكون زيت تخليقي.

كل المعلومات دي مكتوبة على علبة الزيت (معلومات مستوى الجودة مكتوبة على ظهر العلبة وغالبا بخط صغير)... مجرد ما تتأكد من وجودها على العلبة اشتري وانت مطمن.

الموضوع راجع في الأساس لـ3 حاجات...
1- طلبات الكتالوج .. ودي لازم تحقق ومافيهاش تهاون..
2- أولوياتك والميزانية المتاحة.. ودي حضرتك اللي بتحددها
3- الزيوت المتاحة في السوق.. ويفضل استخدام الزيوت المتاحة بسهولة وباستمرار إذا كانت تلبي طلبات الكتالوج.

لو عايز معلومات أكتر.. ادخل على الموضوع ده...
https://www.nilemotors.net/Nile/341680-a.html (القواعد الذهبية لاختيار زيت العربية.... موسوعة مبسطة لأساسيات زيوت المحركات)

ولو لسه عندك أسئلة.. أنا تحت أمرك.

...