-
سؤال
عربيتى
5 راكب موديل 2007
تكنولوجيا قديمه يعنى من غير اوبشن
(لادا)
احنا اسرة 7 افراد
اصغر فرد 3 سنوات
بفكر فى عربيه 7 راكب
البيجو 505 استيشن غالبا لن يتوفر لى فرق السعر لشراؤها
البيجو 504 استيشن موديلات السبيعنات
متوخف منها
بالذات لما يقال عن ارتفاع اسعار قطع الغيار ولا يتوفر قطع غيار اصلي منها جديد الا نادر
هل
استمر باللادا وابعد عن السيارات القديمه
علما بان الاسره كل عام بنكبر ونتزحم داخل السيارة
او
اشترى ال504 استيشن السبعينات
او ابحث عن 505 استيشن لكن هتكون اوائل الثمانينات علشان تكون رخيصه
؟؟؟
-
فيات تمبرا استيشن واسعه جدا وقطع غيارها موجوده موديل تسعينات
فليشيا كومبى كل حجاتها موجوده ولاكن التمبرا اقوى
(ملحوظه انا مبعملش مشاركات فى المنتدى لان اصحابه دمروه لاكن قولت افيدك لانك من الاعضاء القدامى الله يرحم ايام زمان)
-
شاكر جدا لحضرتك
كبرنا فى السن و كبر المنتدى معانا ووصلنا لمرحلة - الهرم - وكذلك المنتدى
للاسف كان له مكانة كبيره جدا
التمبرا مش منتشرة على الاقل فى المحافظة اللى انا فيها
والتمبرا استيشن عن نفسي لم اراها على الطبيعه
بالاضافة الى ان التمبرا اللى بشوفها فى الشارع معظمها بيكون حالته مش قد كده
الكومبي جميله لكنها بموتور اصغر تقريبا بيكون 1400 سي سي
على فكرة
فكرت و الى الان بفكر بتردد
فى الفولفو 240/244
سواء صالون او استيشن
لكن
اولا الموجود معظمه فى حالة يرثي لها
ثانيا اسعارها رفعت بصورة مبالغ فيها فى الفترة الاخيرة
بكرر شكرى لحضرتك
-
حضرتك شايف الردود والتفاعلات الرهيبه عشان كده بطلت اعلق
التمبرا انا اعرف كل حاجه عنها ومفيهاش مشاكل لو احتجت معلومات قولى ولا شكر على واجب
-
الفيس جميل
لكنه لا يغنى عن المنتدى
التفاعل قل جدا و المشاركات قلت بصورة رهيبه
بدخل على المشاركات الجديدة كل كام يوم
مش زى الاول كنت بجرب المشاركات الجديدة كل ساعه تقريبا ودايما كنت الاقي جديد
سبحن الله الذى يغير ولا يتغير
Content Relevant URLs by
vBSEO 3.6.0 PL2