والله الاكسسوارات والديفيل والحاجات دة انا اللي بدفعها انما ميكانيكا وكدة ربنا يخلية بقي الحاج
عرض للطباعة
والله الاكسسوارات والديفيل والحاجات دة انا اللي بدفعها انما ميكانيكا وكدة ربنا يخلية بقي الحاج
هو لية مفيش اختيار شركة التأمين ؟
anyway....
الوالد الله يخليه طبعا هو اللي بيدفع مع العلم انى مبوظتش حاجة فيها حتى الأن الحمد لله...
و مع العلم ايضا ان الوالد هيسحب العربية منى لو لقى انى مستهتر عشان كدا انا محترم ...( من الأخر مفيش عربية تانية لو دى حصلها حاجة )
تحياتى
الحمد لله
طول عمرى بعتمد على نفسى
وربنا يخليلى ابويا هو اللى حطنى على اول طريق الشغل و عرفنى ازاى اكل عيش بالحلال
شكرا جدا لحضرتك
وانا بس حبيت اوضح انا عملت الموضوع ده ليه
انا عندي في الكليه في باركين كبيييييير جدا
وطبعا الشباب كلها شغاله امريكاني وخمسات وهندات وكل اللي انت عايزه
فا انا بقول ليه انا ما بعملش كده
ولقيت الأجابه علشان انا خايف علي العربيه
طيب وليه خايف
علشان مثلا من كتر الهاند التيل هيخلص وطبعا انا اللي هدفع
والكاوتش هيقصر عمره وطبعا انا اللي هدفع
والكوبل هيقصر عمره وطبعا انا اللي هدفع
لكن لو بابا او ماما بيدفعوا طبعا هلعب ولما حاجه تبوظ اروح لبابا واقوله هات
بس طبعا في اولياء امور كتير مابيسبوش الحاجه بالساهل
بس يارب اكون قدرت اوصل وجهت نظري من الشباب المستهتر والمستفز ده
ونفسي اعرف بيستفاد ايه
دا انا لو غلط مره وطلعت امريكاني مثلا بزعل قوي اني عملت كده وبكون مضايق واقول اديني قصرت عمر الديسك والأسطوانه والكوبلن وقواعد الموتور والكاوتش وحاجات كتير :dzey:
HeMa_LanCeR
انا مش شايف عيب ان اهل الشاب يدفعوا له مصاريف تشغيل العربية طالما هو بيستخدم العربية صح و عارف هو عايز منها اية....
مش كدا :) ؟
تحياتى و شكرا للموضوع الساخن
:D
يعني انت شايف ان الشاب اللي يأمرك ويشد هاند ده كده بيستخدم العربيه صح
هو اصلا مش حاسس بقيمه النعمه اللي معاه بس اللي عامل كده انه مش تعبان في حاجه في الفلوس
كل اللي عليه هات يابابا مش عارف اجيب
وعلي فكره انا عن نفسي مابصلحش غير الحاجات الخفيفه بس والتقيله الحاج هو اللي بيعملها
والحمد لله من يوم ما اخدت العربيه مابوظتش حاجه بسبب سوء الأستخدام
ولو كان هو حاسس انها سوء استخدام كان سحب العربيه مني وخصوصا انه مهندس ميكانيكا وفاهم ايه الصح من الغلط
ولا ايه يا حج ؟؟؟؟
طب هو انا قلت اية ؟؟
:)
حقيقى استطلاع ظريف
بس انا مع Nader
اقتباس:
هو اليومين دول في حد بيصلح لحد عربيتة ولا اية؟؟!
زمان وانا صغير
كان والدى هو اللى بيصلحها
لانى كده كده كنت باخد مصروفى منه
لما اشتغلت بدأت انا اللى اصرف واصلح
دلوقتى احنا 3 اخوات
عندنا 3 عربيات
مينفعش يصلحهم كلهم
بس احساس تانى انك تركب عربيتك وتكون انت اللى بتصرف عليها
فى الاول كنت شاب زى اى شاب ابوظ وهو يدفع
انما دلوقتى بحافظ عليها مش علشان انا اللى بدفع بس علشان حاسس انى تعبت فى الفلوس دى
هتحس انك انسان مختلف فى السواقه والالتزام
ده ميمنعش ان والدى ربنا يخليهولى بيساعدنى فى حاجات كتير
بس مش من ضمنهم مصاريف العربيه
رغم انى عارف انه لو طلبت منه مش هيتأخر عنى
وربنا يخلى لنا كلنا اهلنا ومش عيب انهم يساعدونا