سؤال للسادة المتخصصين والعالمين بشئون الكيا كارينز الخليجي
الكاسيت الأصلي الصيني بتاعها لقيته على النت ومعروف بإسم Isun Car DVD GPS TS6621 ودي صورته في المرفقات ولينك لصفحة المواصفات ومعايا الكتالوج بتاعه بس طبعاً غير مفيد في النقطة دي
التاتش بتاعه بقى ما يجيبش شاشة ال Home اللي باختار منها أشغل ال DVD ولا ال SD ولا الراديو ولا Blutooth Music (والأخير ده هو المهم عندي عشان بشغل الأغاني والراديو من على الأيفون بتاعي على الكاسيت ده من خلال Blutooth Pairing) ولا كمان أيقونة ال Settings بقت ظاهرة أو مابقيتش عارف أجيبها عشان أغير الساعة أو أضبط السماعات وخلافه.
دلوقت بقى يجيب فقط الراديو أو ال Aux لما أدوس على زرار ال Mode سواء من الشاشة أو زرار عجلة القيادة، مع إن الBlutooth Pairing لسّه شغال فقط في المكالمات
مش عارف هل أنا بعد السنين دي كلها (من ٢٠١٢) نسيت إزاي أجيب شاشة الHome أو ال Settings ولا هي الشاشة دي اختفت (مع إن كل زراير التاتش شغالة زي الفل، وأكرر زي الفل سواء من الشاشة أو عجلة القيادة)، والكاميرا الخلفية كمان شغالة زي الفل، والراديو شغال زي الفل، وعملت Reset لحالة المصنع كذا مرة وبرضه مش عارف أجيب شاشة ال Homeمن خلال زرار ال Mode

رجاء حار اللي يعرف Trick أو Shortcut يقول لي ويعلمني وله دعوة خير من خالص قلبي
واللي يعرف متخصص تركيب وإصلاح الموديلات الصيني دي يدلني وله ألف شكر

معذرة للإطالة وشكراً جزيلاً مقدماً

لينك المواصفات
China Isun Car DVD GPS for KIA New Carens with TV, Bt, iPod (TS6621) - China Car Dvd Player, Car Gps