الموضوع: اسبرنزا ام 11 ؟؟

لو بتدور علي عربية تركبها شوية و تبيعها في اي وقت باقل خسارة و اسرع و اسهل طريقة بيع تبقي الفيرنا بدون منازع ....
بس بشروط

تكون بتسوق سواقة هادية و العربية متقدرش تغريك انك تجري
تكون متأكد ان ربنا مش هيحوجك لتوقفات مفاجأة و فرامل رهيبة ...
الفيرنا عربية ليها و عليها
.... استهلاكها في البنزين مثالي ... قطع غيارها مش غالية ... اي ميكانيكي بيشتغل فيها ... حنينة مش خشنة ... تسارعها ممتاز ....
مشكلتها ان علي السرعات توازنها مش قد كدة و نتيجة وزنها الخفيف اللي مديها مميزات كتير فوق زي ما قلنا مبتعرفش تقف بسرعة ...... العجل بيكلبش بس العربية بتتزحلق زي لاعبي الهوكي في الملاعب الثلجية ...
الام 11 عربيىة عكسها تماما ...
استهلاكها في البنزين اعلي لانها اتقل
تقلها مع عفشتها مخليها انشف في المطبات ..
بس توازنها ما شاء الله رهيب ..
فراملها فوق الممتازة ما شاء الله
محتاجة ميكانيكية بيفهموا فيها ....بقوا كتير الحمد لله
قطع غيارها الحمد لله مش غالية و بقت متوفرة ....
بس بيعها مش في سهولة الفيرنا طبعا ..



عامة لو هتحتاج تجري ...مينفعش فيرنا .... و ربنا يستر طريقك اولا و اخيرا ....


و كدة كدة مفيش عربية يوزد بتخسر لان خسارتها اتحملت علي اللي اشتراها زيرو خلاص ..... بس انا معرفش اركب فيرنا .... انزل منها علي القبر .