مطلوب نوع سيارة في حدود 50000 و لو اكتر متزيدش عن 80 و الفرق يكون تقسيط

السلام عليكم .. نويت بإذن الله ابيع السيارة الخاصة بي و اجيب سيارة افضل و كنت محتار شوية لأن سعر السيارات الكويسة اغلى من امكانياتي فعشان كدة كنت عايز اجيب سيارة مستعملة من مكان بيقسط مع دفع المقدم أو تبديل مع دفع الفرق و لو كان سعر السيارة اكتر من 50 (ولحد 80) هقسط الباقي
فكنت عايز مقترحات عن انواع السيارات و يفضل تكون من موديلات 2007

كنت بفكر في رينو كليو 2007 بس سمعت عنها كلام مش ولا بد زي صاجها خفيف مشاكل في طلمبة البنزين و بيتغير كل شوية و مشاكل السخونية و هكذا
و سمعت ناس بتقول لانوس بس ملهاش طريق في اوبر بردو
و كمان للعلم السيارة إحتمال تشتغل اوبر و ده مجرد إحتمال بس الفكرة انه يفتح ليا مجال لعمل اضافي مش اكتر و شكراً :)