مساعدة فى تسعير جيب ليبرتى 2006

**A7med87** · 04-10-2017 10:10 AM

السلام عليكم و رحمة الله و بركاته

هعرض عربيتى للبيع و عاوز سعر عادل ليها فى الوقت الحالى

العربية موديل 2006
دهان الفابريكا - طبعا السقف و الكبوت دهانهم مجير و بهتان كدا
العربية انا مش عارف عامله كام كيلو - عدادها 164000 بس واقف من سنه

عداد السرعه و ال RPM و لمبه ABS و ESP و Brake منورين سوا - حاولت اعرف المشكلة فين ساعتها قيل لى انها حاجه اسمها ABS Pump هى اللى بتخلى كل الحاجات دى تنور سوا مع فصلا العدادات
ملقيتهاش خالص و ماشى بالعربيه من غير عدادات - بغير زيت بقى بحسبة تقريبيه و باخد احتياطي

العربية انا مسقط لها موتور من سنه و نص كدا
الموتور الجديد حالته كويسه الحمد لله

العفشة ما اشتغلتش فيها من تلات سنين - بس مفيش تزييق و لا طقطقه و لا اى حوارات الحمد لله - بس حاسس انها عاوزه جلب مقصات + اكيد صيانتها الدوريه

الكاوتشات بريدجستون ماشيه 25 الف

تيل فرامل و طنابير اماميه و بوجيهات و فلتر هوا جداد - مكملوش الف كيلو - نص سيرفيس يعنى
العربية اوتوماتيك طبعا بفتحة سقف

سبب البيع - ظروفى الحاليه متسمحليش اخد بالى منها و من صياناتها و الذى منه + محتاج فلوس فى حاجات اهم

العربية عموما لما بتعمل صياناتها بانتظام بتبقي بنت حلال ... غير كدا بتزعلنى فى المصاريف.

شكرا مقدما

**رامي مصطفى** · 04-10-2017 10:35 AM

ربنا يوفقك في بيعها
كان نفسي فيها بس بعد غلو البنزين مش عارف ايه الدنيا.
لو ممكن تقولي الاستهلاك اخباره ايه يبأى جزاكم الله خيرا
وربنا يباركلك فيها

**A7med87** · 04-10-2017 01:41 PM

المشاركة الأصلية كتبت بواسطة رامي مصطفى

ربنا يوفقك في بيعها
كان نفسي فيها بس بعد غلو البنزين مش عارف ايه الدنيا.
لو ممكن تقولي الاستهلاك اخباره ايه يبأى جزاكم الله خيرا
وربنا يباركلك فيها

شكرا على ردك استاذ رامى

بالنسبة لاستهلاك البنزين عالى شويتين بالنسبة لأى عربية سيدان اكيد

كمبيوتر العربية بيقول لك عند التفويلة (70 لتر تقريبا) انها تمشيك 460 كم بس هى تقريبا 400 او بمعنى اصح ربع التانك يمشيك 100 ك يعنى لو بتفول و العداد ع الربع هتفول ب 300 تقريبا و هتمشيك 300 كيلو يعنى الكيلو بجنية :d
باختصار ال 100ك يستهلكوا 17 لتر فى السريع مع التكييف و يمكن 19 او 20 فى الزحمه ... كتير جدا طبعا
بالنسبة للناس اللى بتحسبها باللتر .. فاللتر يمشيك تقريبا 6 كيلو