محتار مابين افيو اوتوماتيك زيرو وفيرنا اوتوماتيك زيرو ... عايز نصيحة اذا سمحتم

**ahmed-adel** · 06-10-2017 02:10 AM

ياجماعة محتاج نصيحتكم جدااا بجد

قررت شراء سيارة جديدة والمقارنة معايا انحصرت مابين فيرنا زيرو اوتوماتيك وافيو زيرو اوتوماتيك 2018

ناس كتير بتقول الفيرنا افضل وناس بتقول الافيو افضل انا مش عارف اصدق مين واكدب مين

خصوصا اني بسمع حاجات غريبة بقا زي مثلا الفيرنا موتورها اتغير عن الاول من ايام مشروع احلال التاكسي وبقي بيفوت بسرعة وبيبوظ وبيحتاج عمرة هل الكلام دا صحيح ولا لا ؟؟؟

والافيو الجديدة 2018 هل فعلا التكييف ادائو مش حلو ؟ وهل ثباتها زي الفيرنا ولا افضل ولا الاتنين زي بعض ؟؟

وسعر اعادة البيع ايهما افضل ؟؟

محتاج حد يساعدني ياجماعة بجد

**classboy** · 09-10-2017 06:14 PM

رأي الشخصي أفيو طبعا .. لأن انا بكره الفيرنا
الفيرنا عربية سوق اكتر وقطع غيارها ارخص بس انا لو مكانك هشتري افيو بدون تفكير

**svneleven** · 10-10-2017 07:49 AM

الفيرنا عربية عملية بدرجة كبيرة و قطع غيارها رخيصة و موجودة في كل مكان و طبعا ارخص من الافيو. شكل الافيو احسن و صالون احسن و اعتقد هتكون اختيار افضل كتير من الفيرنا.

**borio1704** · 10-10-2017 08:26 AM

أنا شخصيا هختار الفيرنا...

الآفيو فيها عيوب قاتلة بالنسبالي...

أولا.. العربية بتصدي بسرعة وفي أماكن غريبة ومالهاش حل... مثلا.. تحت البربريز الأمامي... الرفارف الأمامية من تحت ..

شوف أغلب الآفيو حتلاقيها مصدية...

ده غير موضوع كمبريسور التكييف اللي عمره لا يزيد عن سنتين على أقصى تقدير.. وسعره قطع غيار مش رخيص أبدا...

في رأيي ابعد عن أي حاجة من إنتاج جنرال موتورز... عربيات من أسوأ ما يكون.

الفيرنا وعلى قد ما الناس مطلعة فيها عيوب بس عربية معمرة وأثبتت كفاءة .. مش هتصرف عليها كتير...

ولو خايف من موضوع الموتور... فمجرد إنك تمشي على توصيات كتالوج عربيتك هتحافظ عليها وعلى الموتور أكتر من أي واحد تاني ماشي بدماغه.

بس نصيحتي لما تشتري الجديد إن شاء الله... ابقى اقرا كتالوج العربية علشان تحافظ على فلوسك.

...

**salam100100** · 10-10-2017 09:42 AM

فيرنا
انا مش مقتنع بسعر الافيو زيرو- شيفورليه فى رائ غبيه فى تسعير الافيو- طب مازود شويه واجيب اختها الاكبر منها الاوبترا- فيها امكانيات احسن- عوامل امان احسن واوسع

**ahmed-adel** · 10-10-2017 12:51 PM

المشاركة الأصلية كتبت بواسطة borio1704

أنا شخصيا هختار الفيرنا...

الآفيو فيها عيوب قاتلة بالنسبالي...

أولا.. العربية بتصدي بسرعة وفي أماكن غريبة ومالهاش حل... مثلا.. تحت البربريز الأمامي... الرفارف الأمامية من تحت ..

شوف أغلب الآفيو حتلاقيها مصدية...

ده غير موضوع كمبريسور التكييف اللي عمره لا يزيد عن سنتين على أقصى تقدير.. وسعره قطع غيار مش رخيص أبدا...

في رأيي ابعد عن أي حاجة من إنتاج جنرال موتورز... عربيات من أسوأ ما يكون.

الفيرنا وعلى قد ما الناس مطلعة فيها عيوب بس عربية معمرة وأثبتت كفاءة .. مش هتصرف عليها كتير...

ولو خايف من موضوع الموتور... فمجرد إنك تمشي على توصيات كتالوج عربيتك هتحافظ عليها وعلى الموتور أكتر من أي واحد تاني ماشي بدماغه.

بس نصيحتي لما تشتري الجديد إن شاء الله... ابقى اقرا كتالوج العربية علشان تحافظ على فلوسك.

...

مش فاهم مالو كتالوج الفيرنا ؟ هو فعلا حضرتك سمعت حاجة من الموتور الجديد الي هي بتنزل بيه ولا هو هو نفس الموتور القديم الي بتنزل بيه طول عمرها ؟؟

**ahmed-adel** · 10-10-2017 12:52 PM

المشاركة الأصلية كتبت بواسطة salam100100

فيرنا
انا مش مقتنع بسعر الافيو زيرو- شيفورليه فى رائ غبيه فى تسعير الافيو- طب مازود شويه واجيب اختها الاكبر منها الاوبترا- فيها امكانيات احسن- عوامل امان احسن واوسع

والله كنت بفكر فيها بس موضوع انها صيني وتقفيل مصري دا قلبا وقالبا دا مقلقني جدااااا ...

**ahmed-adel** · 10-10-2017 12:53 PM

حد فعلا ممكن ينصحني بالاوبترا الجديدة زي ماقال الاستاذ

salam100100 ولا اية نظامها عشان قلقان منها انها صيني تقفيل مصري ؟؟ هل صيني تقفيل مصري بس ممتازة ؟ ولا صيني تقفيل مصري عربية اي كلام ؟

**ahmed-adel** · 10-10-2017 12:56 PM

حد فعلا ممكن ينصحني بالاوبترا الجديدة زي ماقال الاستاذ

salam100100

خصوصا انها صيني تقفيل مصري .. هل صيني تقفيل مصري بس عربية الواحد ميقلقش منها وممتازة .. ولا صيني تقفيل مصري بس عربية اي كلام ؟؟

الموضوع: محتار مابين افيو اوتوماتيك زيرو وفيرنا اوتوماتيك زيرو ... عايز نصيحة اذا سمحتم

LinkBack

أدوات الموضوع

عرض

-

-

المواضيع المتشابهه

ميتسوبيشي لانسر بومة اوتوماتيك زيرو ام بيجو 301 اوتوماتيك زيرو

تويوتا كورولا 2014 تاني فئة اوتوماتيك زيرو ولا هوندا سيفيك 2012 ياباني كسر زيرو hl

مطلوب تيدا 2013 هاتش باك اوتوماتيك كامله زيرو او كسر زيرو (الاقيها فين؟؟؟؟؟؟)

مطلوب تيدا 2013 هاتش باك اوتوماتيك كامله زيرو او كسر زيرو (الاقيها فين؟؟؟؟؟؟)

نيو اكسنت اوتوماتيك ||| اوبترا اوتوماتيك ||| برجاء الافاده (زيرو)

المفضلات

المفضلات

ضوابط المشاركة