بسم الله الرحمن الرحيم
لو سمحتوا يا جماعة أنا معروض عليا سيارة دايو لانوس 2 موديل 2006، هي بتاعة خالي وعاملة 48 ألف كيلومتر بس وده عشان هو مش بيستخدمها كتير ومعظم الوقت راكنها.
هي فيها كذا مشكلة لما جربنا نسوقها فكنت عاوزة أعرف بس حل المشاكل دي صعب ولا لا وهيتكلف في حدود كام، وهل كدة اشتري العربية ولا بلاش احسن.
1- أول حاجة هل يمكن إجراء الصيانة الدورية للعربية في التوكيل الرسمي؟ عشان اتقاللي من بعض الناس انها عشان دايو فمش تبع التوكيل وانها لازم تكون شيفروليه.
معرفش
2- لما بتدي النقله اولاني أو تاني أو تالت وتدوس بنزين الrpm بيعلي وبيوصل لـ 3 والعربيه مبتمشيش بنفس المقدار، يعني عزم علي الفاضي أكنك بتدوس بنزين علي الفاضي، وده مش فاهمة سببه ايه ولا تكلفته كام.
عايزه طقم دبرياج دسك واسطوانه وبليه عندك فاليو كويس ب 850 وفاليو بضمان منصور ب 1500 واستيراد ب 700 منصحكش بيه و350 ل 400 مصنعية
3- تيل الفرامل عاوز يتغير ضروري.
بتاع 150 ل 200
4- العربية محتاجة بوجيهات أكيد.
هات ngk 2 شمعه بتاع 160 جنيه
5- فيها بارومة خفيفة جدا فوق العجل على طول زي نقط كدة او دواير صغيرة محتاجة سمكرة.
مش مشكله كبيره
6- الاكصدام الأمامي محتاج تغيير عشان مكسورحاجة بسيطة ومش الأصلي بتاعها، أما الخلفي محتاج رش بسيط كدة.
150 جنيه صيني او 400 استيراد غير الرش
7- التكييف مفيهوش فريون ومحتاج يتشحن وأكيد هحتاج أكشف عالتكييف عموما.
دي ام المشاكل... مكان التسريب ممكن يبقي صعب زي التابلوه وتصرف شحن عل الفاضي.. ويكرهك في العربيه كل شهرين يسرب لما تكره العربيه
8- محتاجة كمان اغير حاجة عبيطة جدا هي الموكيت بتاع الشنطة وأوضب الشنطة من جوة عشان متوسخة جدا
ومتبهدلة وعاوزة اعرف اعمل ده فين وهيتكلف كام برضه تقريبا.
من 100 ل 200 جنيه جاهزه عل الحط علطول
*العربية بشكل عام نظيفة جدا وفتيسها ودبرياشها خفاف جدا وفرشها وصالونها في منتهى النظافة وزي ما تكون زيرو والموتور زي الفل وما اتلعبش فيه والعفشة كويسة الحمد لله ولسه متغيرلها 4 فرد كاوتش السنة اللي فاتت كمان ومتجابلها بطارية جديدة من اسبوعين وشكلها من برة نظيف جدا والبارومة مش باينة غير مع التدقيق ومن قريب.
*محتاجة من الخبراء في الدايو لانوس 2 يقولولي الحاجات دي هتتكلف في حدود كام تقريبا وكمان عاوزة مركز صيانة كويس جدا ويا ريت لو معتمد يكون في حلوان وكمان قطع غيار مضمونة في حلوان.
يا ريت ما تبخلوش عليا في النصايح، دي اول عربية اشتريها ولسه هتعلم السواقة كمان.
المفضلات