السلام عليكم
الرخصة بتاعتي ضاعت مع المحفظة اتقلبت فى العمرة بعيد عنكم :) عشان بس الناس تخلي بالها لو ربنا كتب لك العمرة ابعد عن التزاحم والتدافع عشان السرقة بتتم فى اللحظات دي.
المهم نزلت مصر وحبيت اطلع بدل فاقد رحت مرور العجوزة طبعا بدل ما يطلعوا الملف خلوني اعمل ملف جديد قال ايه عشان ملفات قبل ثورة يناير اتحرقت :).
ما علينا مشيت فى الاجراءات وربنا سهلها ووصلت لمرحلة استخراج شهاة البيانات ومعايا الورقتين بتوع الكشف الطبي الباطنة والنظر وبعد ما لفيت بين مرور العجوز والوراق رسيت على ان فاضل لى خطوة واحدة بس فى مرور الوراق.
اسلم شهادة البيانات والكشف الطبي فى مرور الوراق واستلم الرخصة ،
نظرا لضيق الوقت سافرت ، السؤال اللولبي هنا ؛
هل ممكن حد يطلع لي الرخصة ولا لازم أكون موجود عشان التصوير؟
طبعا فى ناس هتقول لازم تتصور بس بما اننا فى مصر كل شئ جايز أنا قلت أكيد هالاقي حد يديني المفيد فى الموضوع ده هنا.