أنا شخصيا معنديش رد علمي على مسألة انبعاثات المواد البلاستيكية.. ولازم الموضوع يتحلل بتجارب علمية...
بالنسبة لرائحة البنزين.. أنا رديت قبل كده على سؤال مشابه هنا في المنتدى.. وقلت إن اللي يشم في العربية ريحة بنزين يروح يشوف إيه سبب "تسريب البنزين" اللي عنده.. غالبا عنده مشكلة في التانك أو في خراطيم البنزين... ودي خطرها أكبر من مجرد استنشاق غاز.. لإن البنزين كده بقى قابل للانفجار (مش للاشتعال).. وفي الحالة دي لو حد فكر يولع سيجارة مثلا هيلاقي انفجار يضيع العربية باللي فيها.
أما اللي بيحصل فعليا.. فلما العربية بتتساب في الشمس مدة طويلة .. فالهوا اللي جواها بيقل جدا... لإن ببساطة حرارة الجو جوه العربية بتخللي الهوا يتمدد... والمؤكد إن الضغط الزيادة هيخرج لإن العربية مش مقفولة 100% (فيه فتحات جانبية تحت الاكصدام الخلفي للتهوئة)...
وطول ما درجة الحرارة جوه العربية أعلى من بره العربية فالهوا جواها أقل من براها.
وافتكر كده لما تقعد في العربية أول ما تفتحها وهي سخنة .. بتقدر تاخد نفسك ؟؟؟؟؟؟؟
أما السبب المعتاد والعلمي والهندسي لتهوية العربية قبل فتح التكييف في الجو السخن هو دخول هو بارد من خارج العربية علشان يساعد على تبريدها بسرعة.. وبالتالي فاحنا كده بنزود كفاءة المكيف بحيث يقدر يبرد المقصورة بسرعة.
وحتى لو كان الجو بره العربية سخن (فوق 40 °م مثلا).. فالمؤكد إنه أبرد من داخل العربية لإن درجة الحرارة داخل العربية بتوصل لحدود 80 °م.
المفضلات