معايا عربية سبيرانزا 516 موديل 2012 ماشية 158000 كم.

التكييف بقاله فترة ما بيديش الأداء المعتاد، قبل كده كنت باشغل التكييف على low و المروحة على 2 أو 3 بالكتير و كان التكييف ممتاز سواء من الهوايات الأمامية أو الخلفية صيفاً و الجو حار بالخارج.

دلوقتي أقل سرعة ينفع اشغله عليها 4 و يا دوب اللي قدام حاسين بيه و اللي ورا حرانين برغم وجود الهوايات الخلفية (في الكونسول بين الكراسي الأمامية) و ده يا دوب يكفي اللي قدام، و تعلية السرعة لحد 6 أو 7 ما بيفرقش كتير مع اللي ورا.

الهوا طالع من الهوايات الأمامية ساقع (مش زي الأول برضه) بس ما فيش قوة في التيار الخارج و لا قوة دفع.

أنا كشفت كذا مرة و كل مرة الفريون مش ناقص و مع ذلك شحنت كذا مرة من كذا مكان كلهم ليهم سمعة في المجال ده و مافيش فايدة.

العربية عشان بعد نص 2010 فمافيهاش فلتر التكييف الداخلي اللي بيبقى ورا درج التابلوه، هو فلتر الهواء الخارجي بس (فلتر توربيتو) اللي بيبقى تحت البلاستكة اللي تحت المساحة اليمين و مع ذلك نضفته و اشتريت واحد جديد و مافيش فايدة.

نضفت التلاجة من تحت (عشان تتفك كلها لازم التابلوه كله يتفك) و الفني قاللي ماكانتش متوسخة اوي.

مروحة التكييف "البلاور" هي الأصلية، فهل ممكن تكون ضعفت و تغييرها يحل المشكلة؟؟

لو فيه حلول تانية مختلفة يا ريت تذكروها.