-
مشكلة فى كهرباء السيارة
من يومين كده كنت ماشى بالعربية و ركنت اشترى حاجة و جيت أدورها بعد كده ولا الهوا مافيش صوت مارش أساسا . المهم طلبت من الناس اللى ماشيين زقة معايا لو سمحت يادوبك لمسة منهم العربية دارت الحمد لله و رجعت بيتنا . تانى يوم قلت آخد البطارية أكشف عليها عند حد المهم قالى ان البطارية كويسة و لكن فاضية شحن . رجعت قلت آخدها عندى فى البيت اشحنها شوية و انزل أجرب بعد الشحن و اكشف عليها و على مستوى الشحن عند نفس الراجل اللى كشفت عنده على البطارية .
لما اتأكدت من شحنها ركبتها جيت ادور دارت و رحت على الراجل عشان يكشف قالى مافيش شحن خالص . كده عرفت انه الدينامو مش شغال لازم كهربائى سيارات . رجعت ركنتها و رحت مشوار على رجلى مدة ساعتين كده ورجعت قلت اشوف ايه الأخبار بأحط المفتاح فى الكونتاكت و الآقى مافيش لا لمبة زيت نورت ولا لمبة دينامو نورت و كله مطفى . قلت اشوف البطارية فتحت الكبوت لاقيت جسم البطارية من اعلى اليمين عند العين الخضرا ساخن جدا لمست الكابل الأرضى لاقيته برضه ساخن جدا بسرعة فكيت القشاط بتاع البطارية و آخدتها اشحنها تانى عندى و سيبتها لغاية ما بردت و بدأت شحن . المهم تانى يوم اللى هوا النهاردة جيت أركبها عشان آخد العربية لكهربائى آجى أدور يادوبك سنة كده و بعدين لاقيت البطارية مريحة على الآخر .
ياترى الناس اللى فاهمة فى مشاكل الكهربا يشوروا عليا بأيه ؟ هل دى أعراض ان البطارية راحت ؟؟؟؟
و لو حد عنده أى معلومة عن سعر البطاريات الجافة 44 أمبير سعرها كام ؟
آسف للأطالة و لكن لزم توضيح الأمر تحياتى للجميع
-
لا انصح بببطارية 44 امبير
ولكن افضل ان يكون 70او 65 او 80 امبير
وقد تكون المشكلة من ثلا ث اشياء
1)البطارية ويفضل التغيير
2) عدم شحن الديناموا او يحتاج شربون او تتاكل الكولكتور او الموبينة ويفض التغيير استيراد
3- لو الاثنين اللى فاتو سليم
يبقى عيب اتوماتيك مارش او سللك يبهرب كهرباء او ارضى وعلى الكهربائى البحث
-
شكرا لسرعة ردك يا احمد باشا و يسلملى تفصيلك للموضوع . بالنسبة للدينامو انا متأكد انه مش بيشحن البطارية و أظن ان سبب المشكلة ان مفتاح او كالون الكونتاكت فيه مشكلة عشان النهاردة عصلج معايا شوية ممكن يكون الكونتاكت فيه تلميس على ما أظن . و تأكدت ان البطارية سليمة 100% عشان جربتها على عربية واحد جارى دورت العربية فى ثوانى الحمد لله رب العالمين . أما بالنسبة للكونتاكت بالمرة بقى أغيره و ارتاح من وجع الدماغ ده . عامة انا حأفك الدينامو بكرة ان شاء الله و اطلع بيه على الكهربائى اللى باتعامل معاه و ربنا يكرمنى و يسهل لى الأمر .
تحياتى لك
Content Relevant URLs by
vBSEO 3.6.0 PL2