الموضوع: مساعدة بخصوص دايو لانوس

انا بقالى فتره مهمل العربيه بسبب ظروف الدراسه والسفر و لكن كنت لما بسوقها الاقى مشاكل فيها عماله تتراكم يوم ورا التانى و انا دلوقتى عاوز اصلحها فياريت اعضاء المنتدى
يساعدونى فى معرفة سبب المشاكل دى عشان اروح بيها للصنايعى الصح :

1- لما بسوق العربيه على سرعه اعلى من 80 ببدأ احس برعشه و زرجنه فى العربيه

2- العادم الى طالع من شكمان العربيه فيه ريحة بنزين جامده

3- العربيه بتستهلك بنزين جامد مع انى بروح بيها مشاوير بسيطه حوالى 15 كيلو مرتين او تلاته فى الاسبوع

4- لما اجى ارجع لورا الفتيس مبيرضاش يعشق و بضطر انى اشيل رجلى من على الدبرياج و احطها تانى

ياريت اعضاء المنتدى يفيدونى باسباب المشاكل دى و ممكن تتحل ازاى

هنبتدى بالسهل
1. راجع على ضغط العجل- لو مفيش تحسن- رصص العجل - لو مفيش فايده ممكن يكون الكاوتش محتاج يتغير
2. لو الريحه دى الصبح فقط فدا طبيعى- لو الريحه مسنمره غير فيلتر الهواء
3. حاول تاخد بيها مشوار طويل سفر مثلا عشان يبان الاستهلاك الحقيقي
4. اعتقد دا طبيعى بيحصل معايا فى عربيت اخويا

انتظر باقى اراء الاعضاء

ياريت تعرفنا العربيه موديل كام وماشيه اد ايه وايه الصيانات اللى اتعملت فيها