يا جدعان الوصلة بتيجى مع الجهاز وكل حاجه معاه ماعدا الهشك بشك
عرض للطباعة
يا جدعان الوصلة بتيجى مع الجهاز وكل حاجه معاه ماعدا الهشك بشك
طيب والوصلة بتتسقط و بتتطول من ورا الجهاز و تسقط تحت التبلوه ولا من جنب الجهاز ؟؟ , هيه ميزة ال 3050 انها فى وش الجهاز على طول ,
سؤال تانى من قلة الخبرة فى الحاجات دى , موجات الاذاعة ايه ظروفها يعنى فى كاسيت العربية الشرايط بتولف وتحفظ كل محطة برقم وكده هنا ايه النظام , يعنى الواحد مش بيستغنى عن اذاعة القرآن الكريم او سوا مثلا ...
لا لية طريقة فى التخزين
فى زرار مكتوب عليه srs ده بيحول من السى دى للراديو لليو اس بى
مثلا تجيب الراديو وتعمل بحث على القنوات ولما تحب تخزن قناه هتدوس على زرار اسمه list
هيجيبلك ارقام تحت بعض
هتقف مثلا على رقم واحد وتعلق ايدك ثانيتين على البكرة الكبيرة والقناه هتتخزن على رقم واحد وهكذا لباقى الارقام
معلش سؤال تانى , هوه بيعرض ال فولدرات ومنها اقدر أدخل على الفايلات ولا اعمل ال cd كله فايلات بس , بمعنى انى اقسم الأسطوانه لفولدرات ولا لازم اخليها كلها فايلات
اسف على الاطالة .
هو اللي انا اعرفه من خلال الكاسيت الرودستار اللي جاي مع الفيرنا انه ايام ما كان شغال كان لازم الاسطوانة تكون فايلات بس بس ماعرفش البيونير ايه نظامه بس اعتقد انه نفس الوضع لكن لو حاتوصله فلاشة ممكن تحط فيها فولدرات
و علي فكرة انا شفت الكاسيت ده انهارده عندنا في الزقازيق كان علي 950 جنيه (اصل المحل اللي انا كنت عنده ده اسعاره عالية جدا ) وفعلا وصلة ال usb راكبة في ظهر الجهاز وسألت هي بتتوصل ازاي قالولي انها بتطلع من ناحية درج التابلوه بس برده انا مش متخيلها اوي ولسه في انتظار التوضيح من الخبراء
انا جبت 3050 up وهو جهاز ممتاز جبته 770 بالضمان ومردتش اجيب 4050 علشان usp من الخلف