نصيحتكم في شراء سيارة معاقين من بورسعيد

**ahmedshoura** · 21-10-2017 12:03 PM

السلام عليكم ورحمة الله وبركاته
أنا معاق وأنوي إن شاء الله الذهاب لبورسعيد لشراء سيارة
وأعلم تماما أن الأمانة والثقة أصبحتا عملة نادرة
وأعلم أيضا أن سؤال المختصين وأهل العلم والتجربة هما الطريق الصحيح لعمل أي شئ

وبعد الاستعانة بالله
قررت أخذ آراء الأعضاء الكرام ذوي العلم والخبرة والتجربة

عن أفضل أماكن الشراء ؟؟؟

وأفضل سيارة لميزانية من 70000 الى 100000 جنيه

وآخر شئ أرجو من الاعضاء الكرام الذين يقدمون لي النصيحة
أن يراعوا أن نصيحتهم ستؤثر تماما في قراري الشراء
فلا ينصحني الا من عنده العلم أو الخبرة أو التجربة حتى لا يؤذيني بدل أن ينصحني

وأن السيارة بالنسبة لي لا غنى عنها
وأنها تظل معي 5 سنوات لا استطيع بيعها ولا استبدالها
فيجب تحري الدقة التاااااااااااااامة في الشراء

سامحوني في إطالتي عليكم
وأرجوا منكم افادتي
ولكم جزيل الشكر

**abdousharkawy** · 22-10-2017 05:53 PM

وعليكم السلام ورحمة الله وبركاته
انا هفيدك باللى اعرفه وجربته انا تانى عربية اجيبها من بور سعيد من سنتين ماكانتش الاسعار بالشكل ده
انا كان معايا نوبيرا موديل 2000 قعدت معايا 5 سنين كانت عربية كويسه وعمرها ماخذلتنى بعتها عامله 380 الف كيلو مااتعملش فيها حاجه
جيبت بعدها لاسيتى 2006 كامله اوتو عربية حكايه مالهاش حل كنت جايبها ب55 الف بس سعرها اعتقد دلوقت 85 او 90 وانصحك بيها ممتازه
وكل قطع غيار الموتور نوبيرا
ملحوظه انا جيبت الاتنين من معرض اسمه اولاد قوطه ناس محترمه وعربياتهم كويسه مش ملعوب فيها وخد معاك حد بيهخم فى العربيات واى خدمه
او اى استفسار انا تحت امرك احوك عبدالله مهندس ميكانيكا

**ahmedshoura** · 22-10-2017 09:16 PM

يا عبد الله بيك
شكرا جزيلا ليك
ودوعواتك بالتوفيق

ولو تكرمت لو فيه فكرة عن الاسعار الحالية
وايه افضل عربية في حدود ميزانية من 70 الى 100

**abdousharkawy** · 23-10-2017 12:50 PM

اولا ربنا يوفقك فى عربية كويسه وتريحك
ثانيا انا هقولك من وجهة نظرى الشخصيه يتفق او يختلف معايا اى حد
الميزانيه اللى انت بتتكلم فيها دى ممكن تجيبلك(لاسيتى اللى هى الاوبترا او النترا القديمه او سيراتو القديمه او ماتريكس)
وانا ركبتهم كلهم وانصحك بشده باللاسيتى افخمهم واحسنهم عربيه تحسها المانى مش كورى وقطع غياره نوبيرا واوبترا
متوفره وسعرها معقول عربية جبارة والله معايا بقالها سنتين ماقالتش بم هاريها سفر عامل فى السنتين دول 60 الف كيلو
وتحت امرك فى اى حاجه