الموضوع: ما هو توقعك لايراد التاكسى الشهرى بعد خصم البنزين واجرة السائق وقيمة قسط العربية

المشاركة الأصلية كتبت بواسطة ahmed1981

نحسبها بالراحة
إيراد التاكسي بيكون حسب سعر الوردية
مثلاً الشاهين النظيفة سعر الوردية من صاحب التاكسي للسواق 60 جنيه (رقم تقريبي من فم سائق تاكسي)
يبقى السواق هيشتغل 8 ساعات على التاكسي مقابل إنه يرجع يدفع 60 جنيه لصاحب التاكسي ويقوم بملئ خزان الوقود كما كان

نروح لسواق التاكسي
هيعمل كام كيلو في ال 8 ساعات ؟؟
نفترض على أفضل الأحوال في القاهرة هيمشي 200 كيلومتر على أساس إنه شغال ال 8 ساعات بالكامل على سرعة 25 كلم/س (وهذا فرض صعب لكن ممكن يحصل)
هيحتاج حوالي 25 لتر بنزين على الأقل سعرهم حوالي 45 جنيه بنزين 90
إذن المصاريف حتى الآن = 60 + 45 = 105 جنيه
طيب نفكر هو هيجيب كام جنيه في ال 8 ساعات من الشغل ؟؟
هنقول بزيادة أوي بالكتير حوالي 125 جنيه
صافي ربح السواق في الوردية الواحدة حوالي= 125-105= 20 جنيه (قد يزيد وينقص حسب رزقه)
يعني السواق الذي يأخذ ورديتين حوالي 16 ساعة يكون يوميته حوالي 40 جنيه

نفس الحسابات ممكن نضعها على تاكسي 128 سعر الوردية فيه = 25 جنيه

ننظر للموضوع من وجهة نظر مالك التاكسي
كل ما يهم مالك التاكسي هو سعر الوردية
لو عنده شاهين ورديتها ب 60 جنيه لو 128 ورديتها بحوالي 25 جنيه (أرقام تقريبية من فم سائقي التاكسي)
المفروض يشتغلوا في اليوم ورديتين يعني 16 ساعة
في هذه الحالة الشاهين تجيب في اليوم حوالي 120 جنيه وال 128 تجيب 50 جنيه
أكيد مش هتشتغل في الشهر 30 يوم
أكيد بتريح يوم على الأقل في الأسبوع للراحة والصيانة وتغيير الزيوت
وكذلك أيام الراحة الإجبارية في حالة العطل

ولذلك نفترض أن التاكسي سيعمل على أقصى تقدير 25 يوم في الشهر
ومتوسط الوردية حسب نوع السيارة (أغلب السائقين الذين سألتهم سائقي شاهين)
نفترض الشاهين 60 جنيه= ورديتين في 25 يوم
=60 *2 * 25 = 3000 جنيه
إخصم 50 جنيه زيوت إسبوعياً وحوالي 10% صيانة وسمكرة عامة شهرياً
بمعنى خصم = 50 * 4 = 200 جنيه و = 10% * 3000 = 300 جنيه
= 200 + 300 = 500 جنيه

صافي الربح الشهري لمالك التاكسي = 3000 - 500 = 2500 جنيه
والحسابات السابقة هي في الحالة المثالية لسائقين مثاليين وسيارة مثالية بدون ضرائب وتأمينات ومخالفات ورشاوى للمرور
لكن في الحقيقة لا يوجد سائق يحافظ على سيارة لا يملكها وبالتالي يقوم بهرسها
وكذلك إهلاك السيارة بنظام الورديتين يجعلها تتطلب الكثير من الصيانة
بمعنى أن الرقم الواقعي = 2000 جنيه شهرياً وأقل من ذلك
ولو 128 = 1250 جنيه
وحسب المقارنة بين الشاهين وال 128 ممكن أن تخمن رقم لأي سيارة بوضعها في موضعها الصحيح بينهما

والمسألة أرزاق
في واحد سائق فيات 1300 سألته فأخبرني أنه من هذه السيارة ربنا رزقه بسيارتين كمان مركب عليهم سواقين وهو بيركب ال 1300 عشان هي وش السعد

بس انا عايز أعرف ليه انت فرقت الشاهين عن ال 128 فى المعاملة
انت لما بتركب تاكسى سواء شاهين او فيات بتكون الاجرة واحدة ولا ايه تبقى البنديرة واحدة لكن فيات تكون ورديتها 25 جنيه فدى صعبة اوى --دول ركوبتين او تلاتة بالكتير يكون جابهم-----؟؟

يا جماعة التاكسى لو جديد وصاحبة هو اللى ركبة مش اقل من 5000 جنية صافى فالشهر ودة عن تجربة