-
السلام عليكم
بخصوص عدم ترخيص اجره جديد فى المنصورة
وكمان عدم وجود احلال
النمر والعداد هنا تجاوزت 90 الف ج
طبعا مهزله
منهم لله ادارة المرور والداخليه ( حسبنا الله ونعم الوكيل )
وده سبب رئيسي فى زحمة المواصلات لان السواق مبيرضاش يضيع الوردية فى المشاوير الطويله عشان مطلوب من 60 ج + تفويلة غاز + غسيل العربيه
فمبيرضاش يقف لحد وينقي المشاوير ( انا عارف ان ده غلط بس الغلط الاكبر جزور المشكله ( الحكومه والداخليه )
ايه رايكم فى افضل طريقة للحصول على تاكسي هنا فى المنصورة ؟؟؟
وايه صافي ايراده فى المنصورة ؟
وشكرا جزيلا
-
انا عملت الاستطلاع على انة يومى كدة الموضوع باظ
-
ايييييييييييييييييييييييي ة المبالغ الخرافية دى
انا اشتغلت سنتين دكتووووووووووووووووووور فى وزارة الصحة ب 240 جنية فى الشهر
يانهاااااااااار اسود ومنيل وفى الطالعة والنازلة السواقين يقولولى باشا وبية دة هم اللى باشا ورئيس قسم كمان !!!!!!!!!!!!!!!!!
-
بفرض ان :
- اجرة السائق = 700ج/شهر
- والبنزين = 1000 ج/شهر
- وقيمة قسط السيارة = 800ج/شهر
____________________________
المصاريف الشـهرية = 2500ج/شـهريا (رقم تقريبي)
الدخل الشهري 4000ج/شهريا
____________________________
الدخل الصـافي لا يزيد عن 1500ج / شـهريا
-
مستريح يعمل 3000 واكتر لو كان في منطقة حيوية
والله اعلم الارزاق بيد الله يا استاذ الفاضل غيرك ممكن يجيب الف جنية وانت ممكن تجيب 4000 جنية ومتسألش ليه هو ربك وزع الارزاق من مهد الطفل
-
بقالي كثير ماركبتش تاكسي بس سبحان الله بعد ماشفت الموضوع ده دائما بفكر فعلا هو بيعمل السواق كام
والتاكسي ديه بتطلع كام ؟؟ وأكيد بتكسف أسأل أي سواق عن الحوارات ديه .
المهم ركبت تاكسي من اسبوع كذا في مشوار صغير المهم السواق بيتكلم مع ابنه في التليفون وشكلهم الاثنين
سواقين تاكسي ( البلد ديه ماشية بنظام التوريث الدكتور ابنه دكتور والمحامي ابنه محامي ووكيل النيابة والضابط
وهلم جرا)
الحمد لله حُسني خلع قبل مايورث d):
المهم بيقوله إن البلد ناشفه خالص النهاردة ( طبعا بعد الا حداث الاخيرة ) يادوووووب 150 جنيه !!
وانا طالع من
12 الظهر ( كانت الساعة وقتها بالكثير 8 او 9) فتفاجأة انه في 8 ساعات عمل 150 جنيه والبلد ناشفة !!!!!
أمال لما تكون البلد طرية بيعمل كااااااااام ؟؟؟؟ اكيد ضعفهم اللهم لاحسد
فأكيد 3 الاف جنيه أقل حاجة صافي لصاحب التاكسي
ولو هو السواق ممكن يعدي 5 الاف جنيه !
-
ممكن يعمل فى ورديه 200 جنيه و ممكن الورديه الى بعدها يعمل 100 , ملهاش مقياس خااااالص .
احنا عندنا فى المنصورة معظم اصحاب العربيات بياخد من السواق فى الورديه 70-80 جنيه والباقى للسواق و مش متأكد بقى الصيانات على مين .....
-
السلام عليكم ورحمة الله
ممكن اليوم كله بتعمل فى وردية واحده
وممكن وردية واحده تجيبلك اليوم كله
وممكن ورديتين ميجبوش وردية واحده
القصد الارزاق على الله تعالى
ومن توكل على الله فهو حسبه
وربنا يستر طريقنا جميعا يارب
-
واضح ان فى اجماع ان المشروع مربح وبيجيب مبلغ كويس شهريا
بس برده يا جماعه متنسوش انها شغلانه مرهقه ال 3000 جنيه دول مش بيجوا بالساهل ده الواحد بينزل بعربيته مشوار زحمه بيكره نفسه فما بالكم لما تبقى دى شغلانتك الأساسيه ومصدر رزقك وطول النهار انت فى الزحمه دى طبعا بخلاف كميه الامراض اللى عرضه للأصابه بيها على المدى البعيد نتيجه التلوث السمعى والبصرى وحرقة الدم اللى بيتعرض ليها طول اليوم والام العظام والمفاصل وغيره وغيره
من الأخر مفيش حاجه بتيجى بالساهل فى البلد دى -_-
-
ده رزقه لان الامر ميسلمش من مخالفه خبطه حد من المرور عاوز اتاوه يعنى حاجات من اللى انتوا عارفنها يوم فوق ويوم تحت :7_9_6v[2]:
Content Relevant URLs by
vBSEO 3.6.0 PL2