سيراتو 2010 ...اعلى الكاوتش ولا لا

موضوع اختيار الكاوتش ونوعه ومقاسه من اصعب الموضوعات
انا معايا سيراتو 2010 sx مقاس الكاوتش الاصلى 215-45-17
اولا النوع .......... مليون نوع والغريب اننا نلاقى عجلة صينى ب 2900 زى البيريلى ونلاقى عجلة المانى حسب كلامهم ب 1200 جنيه وبعدين عجلة فرنساوى ب 1100
طيب نصدق مين ونختار اذاى
ثانيا المقاس ............ العربيه بتحك فى 90% من المطبات وبتقطع قلبى كل مرة ... اقترح احد الزملاء بتغير المقاس الى 215-50-17 وده يرفع العربيه 1.07 سم او للمقاس
225-45-17 وده هيعرض شويه ويعلى تقريبا 0.5 سم علشان مع الارتفاع نعرض فيزيد الثبات ميقلش مع الرفع
وتضاربت الاراء طبعا التوكيل قال التزم بالمقاس الاصلى
واللى ركب التعديل الاول 215-50 قال انة كفايه منعرضش تانى العجلة عريضه كفاية علشان وزن العجلة ميزدش ويأثر على العفشه .
واللى ركب التعديل الثانى 225-45 قال رفع بدون تعريض يقلل الثبات .
واخيرا بتاع العفشه افاد ان رفع سم من الكاوتش هيقلل مشوار المساعد بنفس القدر فالعربيه تنشف فى المطبات والمساعدين مع الوقت تبوظ .
وكل واحد ليه مبرراته المقنعه واسبابه .
نمشى زى ما الكتاب بيقول ونستحمل المطبات ....
ولا نعمل زى ما الناس بتقول ان حسابات الخواجه غير مناسبه للارض عندنا ونعدل ..
علما بأن اى تغير فى المقاس هيغير حسابات عداد الكيلو متر والسرعه وفقا لاختلاف قطر العجلة حسب التعديل .
برجاء من اهل الخبرة الافاده .واسف للاطاله . وشكرا