الموضوع: برجاء الاجابة على سؤالى وعدم الاكتفاء بالمشاهدة فقط

السلام عليكم ورحمة الله وبركاته
بص حضرتك الحكايه دى ماينفعش نجاوبك عليها لانه ممكن تكون بسبب اى حاجه من اللى انت ذكرتها وبالتالى لازم تروح لبتاع عفشه وهو اللى يحدد
وفى بتوع عفشه كتير عند حديقة بدر ممكن تروح لاى واحد وهو اللى يحدد

بص كده على الشكمان ... ممكن تكون الكاوتشة بتاعتة عاوزة تتغير .... تجربة بسيطة اوي ... جرب هز الشكمان بايدك لو سمعت نفس الصوت يبقى الشكمان بيخبط في تنك البنزين او الشاسيه ... روح لواحد بتاع شكمنات يظبطهولك ... وبرده بص على العفشة زي الاخوة ماقالوا

المشاركة الأصلية كتبت بواسطة sherif_84

عربيتى الشاهين كل ما يركب معايا حد ورا او الشنطة تكون مليانة أسمع صوت رزع وهبط وطقطقة من العفشة اللى ورا او صوت حاجة بتتكسر والاصوات دى بتظهر لما بامشى فى شوارع مش متسفلتة كويسة ( وما اكثرها فى مصر ) او لما بانزل من على مطب بسرعة عادية لازم انزل براحة جدا جدا عشان ما اسمعش الصوت وكل اللى بيركب معايا بيقولى على الصوت وانا معرفش اجاوب لانى مش عارف ده صوت ايه ؟؟
انما العربية لما تكون فاضية الصوت مابيظهرش
ياترى ده صوت ايه ( مساعد ولا سوستة ولا من المحور الخلفى عموما ) وياريت ياجماعة لو اى واحد دخل الموضوع ويعرف بتاع عفشة كويس وأمين يقولى عليه وأكون شاكر لكم جميعا
وكل سنة وانتم طيبين

تقريبا كدة من كلام حضرتك....مرونة اليايات الخلفية زادت عن الحد(بقت مهلبية)......وبالتالى حينما يكون هناك أشخاص وأحمال بالشنطة بتسمع الخبطة والصوت الوارد بالموضوع وفى هذة الحالة لابد من تغيير اليايات الخلفية.......وعموما ياأخى يمكنك عمل الاختبار البسيط الاّتى.........حمل السيارة من الخلف بأقصى حمولة ممكنة....بعد ذلك قم بملاحظة وضع حلقات اليايات الخلفية....لو كان الخلوص بين الحلقات قليل بدرجة ملحوظة...أى أن الحلقات على وشك التلامس.....فى هذة الحالة لابد من تغيير اليايات لمنع الصوت الوارد بالموضوع

ياشباب بجد مش عارف أشكركم ازاى ربنا يخليكم وجزاكم الله خيرا على المعلومات اللى قدمتوها وعموما كده يبقى لازم أروح لعفشجى احسن وهو يكشف على المحور الخلفى كله عشان بس انا عايز اعرف الصوت منين عشان أرتاح لان لما بيكون فى صوت فى العربية الواحد بيتضايق
بالنسبة للاستاذ أحمد 1981 انا افضل لو فى المناطق القريبة من الزيتون
الاستاذ محمد عيسى شكرا على الافادة بس فين هو قسم الحدايق ؟