الموضوع: محتاج كتالوج اكسينت 1999 1500 سي سي

أتوقع إن حضرتك طالب كتيب المالك ... لإن كتالوج الصيانة مش بينزل إلا بالإنجليزي أو بلغة بلاده..

أنا عندي كتيب المالك بالإنجليزي بس للأسف... بس ممكن تطلع منه المعلومات بسهولة..

نزله من هنا:
https://drive.google.com/file/d/0B5R...ew?usp=sharing

...

المشاركة الأصلية كتبت بواسطة wael.shaker

الف شكر لك أستاذنا ربنا يبارك فيك محتاج اعرف ازاى اختار الزيت واعرف صوت الماتور بيعلى ليه وموضع rpm مع اغيير السرعات
لو حضرتك تستطيع تفيدنى

مواصفات الزيت مكتوبة في صفحة 4-6 (صفحة رقم 4 من قسم رقم 6) في الكتالوج (صفحة 132 في ملف الـpdf)..



واختيار الزيت له معايير لازم حضرتك تعرفها علشان تجيب حاجة مناسبة للعربية أولا ومناسبة لحضرتك ثانيا.

أنصحك تقرا الموضوع ده لو عايز تختار زيت الموتور بالطريقة الصح...
https://www.nilemotors.net/Nile/341680-a.html (القواعد الذهبية لاختيار زيت العربية.... موسوعة مبسطة لأساسيات زيوت المحركات)


بالنسبة لدوران الموتور...

الموضوع ده بيتحدد بناء على نسب التخفيض في الفتيس والكورونا ومقاس الكاوتش...

أنا دورت لحضرتك على نسب التخفيض بتاعت الأكسنت.. ولقيتها كالتالي:
الأول: 3.462
الثاني: 2.053
الثالث: 1.370
الرابع: 1.031
الخامس: 0.838
المارشيدير: 3.250
الكورونا: 3.842
مقاس الكاوتش: 175/70R13

الجدول اللي في الصورة دي بيبين كل غيار في العربية سرعته كام عند RPM معين.. ومنه تقدر تحدد السرعة القصوى..

(الجدول ده أنا عامله من زمان وبغير قيم التخفيض بس فبيحسب لوحده)




خد بالك إن الكلام ده نظري في السرعة الخامسة بالذات... لإن السرعة القصوى بتيجي على السرعة الرابعة.. مش الخامسة

الموضوع ده تقدر تعرف منه معلومات أكتر عن استخدام عداد الـRPM أو التاكوميتر.
https://www.nilemotors.net/Nile/329379-rpm.html (عداد الـrpm ... إزاي تستخدمه؟؟؟)

...