العربية اتقلبت و عايز مساعدتكم فى التعامل مع الجمعية و مراكز الصيانة

**AAAPRD** · 10-12-2008 10:48 AM

السلام عليكم
العربية بتاعتى (صنى 2008) اتقلبت على طريق الصعيد الصحراوى يوم الجمعة 5-12
و الحمد لله الاصابات كانت بسيطة بالنسبة لحجم الحادثة خصوصا ان ان الاسرة كلها كانت فى العربية
العربية لم تتاثر من قدام حتى الرادياتير و الفوانبيس كويسين و لكن اتبهدلت من ورا - باب الشنطة و الرفرفين اتدمروا تماما بالاضافة لسقف العربية طبعا

انا مؤمن مع الجمعية و سامع ان عندهم مشاكل كتير و محتاج مساعدة الاعضاء الذين تعاملوا معاهم فى هذه الظروف.

بالنسبة للاصلاح انا شحنت العربية لمركز السبع بزهراء المعادى لانى كنت باعمل الصيانة معاهم لكن لو فيه مركز افضل فى العمل الاصلاحات الكبيرة دى يا ريت تفيدونى .

شكرا جزيلا

م. احمد

**mohamedbook** · 10-12-2008 12:52 PM

الحمد لله اني جت في العربية دية حتت حديدة تروح وتيجي المهم انت والاسرة الكريمة
بخير روح الجمعية وانت ونصبيك اهم حاجة عملت محضر ولا لا
ومقلتش العربية اتقلبت ازاي اية السبب والا هي اتقلبت لوحدها من غير اي سبب
احمد ربنا وخد الموضوع بهدوء عشان تعرف تتفاهم معاهم

**KHALED AYMAN** · 10-12-2008 01:40 PM

حمدا لله على سلامتك و الاسره الكريمه العربيه زى ما الاستاذ محمد قالك حته حديده المهم انت و الاسره.
يا ريت تقولنا اتقلبت ازاى هل عيب فى العربيه ولا خبطت فى حاجه مثلا ؟؟؟؟

**WalidAdel** · 10-12-2008 02:38 PM

حمدا لله علي سلامتك الاول انت و العيله

**Karim_Monir** · 10-12-2008 03:01 PM

حمدا لله على سلامتك وسلامة الاسرة
انا ساكن جنب الحرفيين لو عايز توديها هناك قولي
انا اعرف بدل الصنايعي الشاطر 10
واعرف واحد بيتعامل في الزيرو بس
وليد دبوس
كنت لسه بعمل عنة كبوت عربيتي قبل العيد
وكان شغال في ليبرتي 2008 مقلوبة بتاعت غادة عبد الرازق تقريبا
شغلة هايل
لو عايز كلمنى واوديك ليه بعد العيد
تليفونى
0101263030
كريم منير

**mohamed10** · 10-12-2008 11:28 PM

قدر الله ماشاء فعل والحمد لله انها جت على قد كده وربنا يستر طريقنا جميعا خصوصا وان المتخلفين عقليا فى السواقة بقوا موجوديين بكثرة فى الشوارع العادية لدرجة انك تلاقيك ماشى فى امان الله فى طريقك وتلاقى اللى يحدف عليك او جاى من وراك وعايز يعدى منك بالعافية لكن فى النهاية اقولك حمدلله على سلامتك انت والاسرة

**KHALED AYMAN** · 11-12-2008 12:44 AM

10000000 حمدا لله على سلامتك كده واضح من كلامك ان بتاع الكاوتش هو الى غلطان عموما مش مهم المهم انك و الاسره بخير انا والله لسه واحد صاحبى عامل حادثه هو و اتنين كمان و حالتهم صعبه جدا احمد ربنا على قضاءه