الموضوع: ليه بيقولك ما تشتري دلوقتي ... تعالى شوف

حد بينصحني أنه لو ناوي اشتري زيرو او مستعمل استنى شوية .. سالته إليه قال لي

اولا. الزيرو الأوروبي هبنزل ١٠% اول السنة علشان الاتفاقية
سالته ماهو الحكومة هترفع الضريبة والرسوم الخ

قال لي الحكومة حررت سعر الصرف ومش هتيجي ناحية الجمارك ولا الضرائب تاني على الاقل لغاية
انتهاء السنة المالية الحالية وتنتهي في شهر ٦ سنة ٢٠١٨
واي زيادة في سعر العربيات هيكون بسبب أن الوكيل بدل ما ينزل التخفيض إضافة بهامش ربحه

ثانيا الركود الحالي وانخفاض معدل قروض السيارات خلى في موديلات من ٢٠١٦ لسه مركونة لدى المستوردين
والمصنعين المحليين وغصب عنهم هينزلوا السعر علبها

قلت له مش فاهم .. قال لي
اللعب الفترة دي وحتى اول السنة موعد التخفيض الجمركي وممكن حتى معرض اوتوماك هيكون أنهم مش هيخفصوا في
سعر العربية جنيه لكن اللعبة أنه هيخفض قيمة المقدم فهتلاقي مقدمات صغيرة مكنتش تسمع بيها
قبل كده والباقي قسط ... ودا علشان يورطك في شرا العربية بالسعر العالي المبالغ فيه
..... في موضوع انا كنت عامله بعنوان هامش ربح الوكيل ... هتلاقي فيه معلومات اكتر

ثالثا. الاراء مدفوعة الأجر
هتلاقي محررين وصحفيين بايعين ذمتهم ... زي اللي اسمه عشام الريني. في جرنال الاعرام
هتلاقي طالع يقولك اشتري اشتري مستني ايه مفيش تخفيضات مفيش امل الدنيا سودا وهتفضل سودا
ولو محتاج عربية انزل اشتريها امبارح مش النهاردة لان بكرة هتغلى تاني ... حسبي الله ونعم الوكيل
في كل واحد بيبيع ضميرة


رابعا. هما هيفضلوا يبيعوا في الاستوك القديم قبل ما يبتدوا يعرضوا موديلات ٢٠١٨
ومعظمهم مشش راضي يعلن عن موديلات ٢٠١٨
علشان كده زي كبور بيبيع شيري تيجو. الموديل اللي أتوقف إنتاجه ولم يعلن عن ميعاد نزول الشكل الجديد
اللي نازل من فترة في السعودية والإمارات قبل ما يبيع القديم المركون


رجاء متخليش المعلومة تقف عندك سير الموضوع مع اصحابك

الراجل اللي اسمه عشام الريني اللي بيكتب في جرنال الاعرام

مفيش فايده فيه
كل ما التجار يحسوا ان معدلات البيع قلت يابيجوه يطلع يكتب نفس البؤين الحامضانين
اللي كل ما يتابيج يكتبهم

((الحق اشتري انت مش بتشتري ليه مفيش حاجة هتتخفض ولو اتخفضت هتبقى كلام فاضي))

حاجة تقرف
ذمم خربانة