عرض للطباعة
المشكلة كالاتى الردياتير المياة فية بتنقص ومش مخروم والحرارة على طول على 90 و95 والطلمبة المياة كويسة مفيش حاجة فيها بتنقط مياة والخراطيم مش بتنقط مياة يعنى مفيش فيها تسريب طيب اية اللى يخلى المياة تنقص فى الردياتير بالتالى الحرارة تكون على 90 على طول وعلب الردياتير سلمية والغطاء بتاع الردياتير مش بيسرب مياة ايضا اية حلول المشكلة
بص على قربة المياه ممكن يكون الغطاء بتاعها مش محكم
هتلاقي العيب من غطاء الرداتير وانت مش هتعرف عارف ليه بقي
علشان المياه لما بتغلي بتتسرب من الغطاء طيب ازاي هتتسرب وانت ماتعرفش
تتسرب علي الرداتير وهو سخن وتتبخر في ساعتها وانت تفتح الكبوت متلاقيش مياه
فهمت بقي
هقولك علي حركه تجربها كده وتشوف هيسرب ولا لأ
دور العربيه و زود مياه الرداتير وزود مياه الأربه علي الأخر
وافضل زود بنزين وسيب كذا مره
لو المياه طلعت من غطاء الرداتير يبقي العيب منه
اقتباس:
المشاركة الأصلية كتبت بواسطة HeMa_LanCeR
الكلام دة مية مية انا حصل معايا نفس العيب ودوخني وفي الاخر وصلت لنفس النتيجة
.......هذا هو الكلام المضبوطاقتباس:
المشاركة الأصلية كتبت بواسطة HeMa_LanCeR
فعلاً ممكن يكون الغطاء
وممكن يكون بسبب آخر مثل الموضوع التالي:
http://www.nilemotors.net/Nile/showthread.php?t=19355
بص يا سيدي .. القصة كلكها حتتلخص في حاجتين طالما مفيش تسريب في دورة المياه بتاعة العربية (ردياتير .. خراطيم .. طبب الماتور .. القربة)
يا أما غطاء الردياتير بتاع العربية زي ما الأخوة بتقول .
يا اما فيه عيب من طلمبة المياه ، ودي لما بتكون قديمة أو بقالها فترة شغالة معاك .. أنه بيكون الحشو اللي جواها نشف تقريباً وبتبتدي تسري مياه منها .. على العموم بص على الطلمبة بعد مشوار محترم كده .. لو لاقيتها مرشحة مياه خفيف قوي يبقى هو ده السبب .. لو ملقتهاش مرشحه مياه يبقى غالباً الغطاء مش محكم .. وبيحصل بخر في المياه اللي في الردياتير من خلاله لما المياه بتسخن
ممكن الطبة تكون دايبة من البارومة
العيب طلع من علبة الردياتير اللى تحت فيها خرم صغير اوى ولا يظهر اللى لما تعمل مشوار تلاقى بعدها الردياتير بينقط من العلبة اللى تحت التروموسات