مساعدين ألمانى أستيراد(ملو) ام جديد

**ferari** · 10-12-2008 01:31 PM

أستشارة عاجلة إلى السادى الأعضاء

أشترى مساعدين إستيراد ألمانى من النوع الذى يتم تزويدة - أم أشترى جديد مونرو أو أى ماركة أخرى - السيارة ريجاتا

مع العلم بأن سعر الأستيراد 300 جنية أما الجديد ب420 جنية

برجاء مساعدتى مع ذكرالنوع الأفضل فى حالة الجديد
ولكم جزيل الشكر

**ashraf1000** · 11-12-2008 11:57 AM

انا جربت المستعمل من بورسعيد مش كويس اشترى جديد فى نوع هواء على زيت ايطالى كويس يجعل العربية مرفوعة من الامام وفى نوع له ضمان سنة اسمة مونروكويس

**MohabSaeed** · 12-12-2008 12:56 PM

اكيد مونرو طبعا افضل مليون مره من اى مساعد مستعمل
ماتشتريش اى اجزاء فى العفشه مستعمله حتى لو ارخص 90 % عن الجديد , لان العفشه و الفرامل بتأمن حياة الناس الى راكبين العربيه .

المساعدين من الاجزاء المستهلكه فى العربيه زيه زى تيل الفرامل و الطنابير ف ازاى مساعد يكون طالع من عربيه و استهلك " حتى لو مش ضارب زيت " و اركبه تانى فى عربيتى ؟

تخيل نفسك انك بتحط على جرح فى ايدك بلاستر مستعمل كان حاطه حد قبليك !

احنا ممكن نركب حاجات استراد زى الفوانيس - شبكه - اكصدام - اى اجزاء فى الصالون - موتور - لكن عفشه و فرامل مستحيل .

**MohaMed_Refaat** · 13-12-2008 04:10 AM

المشاركة الأصلية كتبت بواسطة ferari

أستشارة عاجلة إلى السادى الأعضاء

أشترى مساعدين إستيراد ألمانى من النوع الذى يتم تزويدة - أم أشترى جديد مونرو أو أى ماركة أخرى - السيارة ريجاتا

مع العلم بأن سعر الأستيراد 300 جنية أما الجديد ب420 جنية

برجاء مساعدتى مع ذكرالنوع الأفضل فى حالة الجديد
ولكم جزيل الشكر

حضرتك قصدك على الاربعة ولا الواحد اللى ب 420 جنية
المساعد المنرو الواحد ب 420 جم ولا الاربعة ؟؟؟؟؟