هل سيحدث تراجع سعري للعقار في مصر وخصوصا في التجمع الخامس؟

**th3Programmer** · 22-11-2017 06:27 PM

لاحظت توجه ولو حتي كان طفيف للبعض لعمل اتحادات ملاك , وانتشار كومباوندات الجمعيات في التجمع الخامس واصبحت مقبوله الي حد ما لانهم بيقللوا السعر علي المستهلك حوالي 40% .. هل ممكن يؤثر علي معدل الهامش الربحي لشركات الاستثمار العقاريه واسعار عقاراتهم تنخفض قليلا؟
من خلال متابعاتي للاعلانات العقاريه في التجمع الخامس , بلاقي اعلانات مستمره في النشر كذا مره لمده تقترب من سنه وده ممكن يدفع اصحابها الي عدم المبالغه في اسعارها والبدء في تقليله في كل محاوله فاشله لبيعه.
بلاقي ناس بتتعثر في سداد اقساط , وده برضه هيدفع البعض الي انه يبطل يجازف في الاستثمار العقاري ويحسب خطواته جيدا وبالتالي يقلل المنافسه والسعر بدوره يقل.

العامل الاكبر في تراجع الشراء قليلا هو ارتفاع السعر بعد التعويم وارتفاع سعر المواد الخام والبناء وده ممكن يتسبب في كساد بشكل ما؟ مش عارف.

ياريت كل اللي شغال في المجال العقاري وعاوز ينصح المقبلين علي الشراء في (ما تبقي من) 2017 و 2018 يعملوا ايه. هل فعلا فيه تراجع للاسعار؟ هل فيه كساد او فقاعه عقاريه مقبله؟ هل نتأني في قرار الشراء الي ان تتضح الرؤية؟

**zico707** · 22-11-2017 08:12 PM

اسعار سوق العقار حاليا تحلق في عالم الخيال ... لكن لا يوجد سوق شراء وبيع حقيقي والسوق مصاب بالركود واالشلل التام
ومابيبعش الا صاحب عقار مميز او مضطر للبيع فبيرخص في سعره عن السوق غير كدة كله ماسك في سعر وهمي وغير حقيقي حتى في المناطق العشوائية تسمع ارقام زي مليون ومليون الاربع

**Hany Adel** · 28-11-2017 02:57 PM

فيه خدعه

العقار قيمته بتزيد فبيحفظ قيمه الفلوس ويزودها
تمام
بس المشكلة انك لما تحب تسيل الفلوس لو احتجت لها بسرعه
بيبقى صعب .. والصعوبه بتزيد كل يوم

لانك اشتريت شقه بنص مليون او مليون مثلا ..
عادة بيكون قسط

ولما حتيجي تبيع بتبقى عايز كاش .. والكاش بقى صعب في المبالغ العالية ..