الموضوع: البنك الاهلي المصرى - اسواء خدمة عملاء

تحية طيبة وبعد

اكتب شكوتي هنا وذلك لتعريف الناس ببنك بحجم البنك الاهلي المصرى ومدي سوء التعامل مع العملاء وخداعهم وارجوا ان يكون هذا درس للتعامل مع العملاء

بداية المشكله عندما كنت اسحب مبلغ 3500.00 جم يوم 2017/8/12 من ماكينة البنك الاهلي وفيزا البنك الاهلي ثم خرج المبلغ 3350 جم اي ينقص 150 جم
والفرق حدث نتيجة انه من قام بتغذية الماكينة وضع 50.00 جم فى درج الـ 200 دون اى اهتمام او مراعاه للعملاء اليي سوف يقوموا بالسحب وربما بكون حدث ذلك عن عمد
المهم تم عمل شكوي فى نفس اليوم 8/12 وثاني شكوي 8/16 وثالث شكوي 8/22 ورابع شكوى 8/24 وخامس شكوي 8/3 وسادس شكوي 9/7 وسابع شكوي 9/12 وثامن شكوي 9/18 وتاسع شكوي 9/24 وعاشر شكوي 10/2 والشكوي رقم 11 بتاريخ 10/22
وفى كل مره يرد الموظف او الموظفة ويقولي يتم دراسة الشكوي فى قسم ادارة الفيزا وسوف يتم الرد عليكم واخذوا البيانات ورقم التليفون ورقم الكارت وكل اللى عايزينه وكل مره يرد موظف مختلف وفى الاخر قالوا لي انه بمراجعه ارصدة الماكينه وجدوا انه فعلا فى اوفر 150 جم طيب كويس امتي الاضافة ان شاء الله اسبوع ويتم الاضافة
تمام طيب بعد اسبوعين اعمل استعلام على الفيزا مفيش اضافة اكلمهم تاني يقولوا لي معلش احنا اخذنا موافقة خلاص وبعتنا لفسم المسئول علشان يضيف المبلغ طيب بعد اسبوع اتصل تاني اسأل مفيش حاجة اضافت يقولوا لي مش عارفين احنا بعتنا الموافقة للفسم ومش عارفين التاخير من ايه
طيب والحل ايه يقلولوا لي اسال الاسبوع اللى جاي
المهم فى الاخر بعد يمكن 3 او 4 مكالمات معلش ومش عارفين القسم متاخر ليه فى الاضافة رد عليا المدير وقالي مفيش حاجة هتضاف وربنا يعوض عليك !!!!!!
يعني ايه يافندم مش فاهم بعد اكثر من شهرين حضرتك بتقول يعوض عليا ربنا وطيب والموافقات والبحث وتم الاضافة وكل الهري ده كان ضحك علي الذقون ؟؟؟؟ معلش يافندم احنا بنعتذر لك

ودي نهاية الحوار بعد مشادات وهري اكثر من شهرين مستني 150 جم من بنك كبير ومحترم ولكن للاسف الشديد .... مقلب وشربناه وطبعا كل المكالمات كنت باخذ اسامي الناس اللى بتكلمني بس طبعا احتراما لاهلهم مش ليهم هما مش هينفع اكتب اساميهم بالرغهم من انهم محترمونيش وكانوا بيسكتوني طول الفتره ده او بمعني اصح بيضحكوا عليا ... وفى الاخر ضاعه الــــــــــ 150 جم