رينو كادجار أم سوبارو xv أم جيب جرينيد

**eng_tamertaha** · 28-11-2017 02:49 PM

السلام عليكم
السادة الأفاضل
أرجو لمن لديه الخبرة أن يساعدني في اختيار السيارة المناسبة
إيه رأيك في ال 3 عربيات دول
رينو كادجار
سوبارو xv
جيب جرينيد
أنا محتار فعلا بجد
فياريت تساعدوني خاصة وإن ال 3 عربيات في نفس الفئة السعرية تقريبا
وجزاكم الله خيرا

**salam100100** · 28-11-2017 03:17 PM

شخصيا هجرى وراء الاكثر انتشارا
سوبارو xv
هى اقلهم فى التصميم الداخلى
مش مبهره زى الرينو

**eng_tamertaha** · 29-11-2017 08:08 AM

مشكور
هو مش ده قسم المقارنات برضو ولا انا عرضت الموضوع في مكان مش مظبوط
فين ياجماعة المساعدة
أخوكم محتار فعلاً وخبرتي في الموضوع ده بسيطة

**ahmedsrs** · 29-11-2017 06:59 PM

رينو كادجار

**eng_tamertaha** · 10-12-2017 03:29 PM

كذا حد فعلا رشحلي كادجار بس أنا خايف من توكيلها وتوفر قطع الغيار
وفيه ناس تانية بتخوفني من الفرنساوي عشان كلها كمبيوتر واعطالها ممكن تضايق
ما مدى صحة الكلام ده؟
وجزاكم الله خيرا

**svneleven** · 11-12-2017 05:39 AM

في مبدأ في كل الصناعات. كل ما التكنولوجي تزيد المشاكل بتزيد. ال xv عربية تقليدية و موتور تقليدي أداءه عادي جدا و الفتيس cvt بيديك اداء اقتصادي و مريح و بلالتالي تقدر تقول ان العربية دي من غير مشاكل تقريبا (مقارنة بباقي العربيات طبعا). عاوز شوية رفاهية و انظمة سلامه زياده و اداء احسن (من موتور صغير 1200 cc) روح لل كادجار. ال رينيجيد حلوه لكن قطع غيارها غالية بطريقة فوق الوصف. طبعا ال كادجار قطع غيارها مش رخيصة لكن معقولة مقارنة بالرينيجيد.
رايي كقيمة و ادهء و سعر يبقي ال كادجار.

**eng_tamertaha** · 16-12-2017 05:16 PM

طب ايه هي عيوب الكادجار من وجهة نظركم
وهل موضوع السقف البانوراما ده يعتبر ميزة أم عيب؟

**peranha** · 21-12-2017 08:21 PM

انا استلمت عربيتي الجديده كادجار سيجناتشر ..اعلي فئه ..تحفه تحفه ومليانه اوبشن اكتر من سوبارو الأعلي فئه اللي عند ابني .نظام ركن ذاتي بدون يديك .النقطه العمياء .جنوط 19 .كشافات حساسه للضوه . مساحات حساسه للمطر .فوانيس ضباب. مساحات خلفيه .سقف بانوراما .مفتاح ذكي ومانع سرقه ومزايا اخري للمفتاح .شاشه بها معلومات عن ضغط العجل والسياره .بها R Link .GBS ونظام ملاحه .2 USB.تدفئه للكراسي امامي وخلفي .فرامل يد كهربائيه تعمل اتوماتيك فور ايقاف الموتور.الكراسي الخلفيه منطويه ليصبح طول الشنطه الخلفيه حتي ظهر الكراسي الأماميه حوالي 2 متر .حجم الشنطه الخلفيه 472 لتر.نظام مثبت ومحدد السرعه.مرايا كهربائيه .مقاعد جلد فاخره .مراية الرؤيه الخلفيه ذاتية التعتيم وبها كاميرا .حساسات ركن امامي وخلفي وكاميرا وتصدر صوت تحزيري اذا اقتربت من اي سياره من اي اتجاه.ايكو لتوفير البنزين .عجلة قياده ملتي فنكشن
130 حصان موتور 1200 تربو وسحبها قوي جدا واتزانها علي الطريق رائع واستجابتها في القياده رائع

**mostafa_ Ceng** · 21-12-2017 08:51 PM

المشاركة الأصلية كتبت بواسطة peranha

انا استلمت عربيتي الجديده كادجار سيجناتشر ..اعلي فئه ..تحفه تحفه ومليانه اوبشن اكتر من سوبارو الأعلي فئه اللي عند ابني .نظام ركن ذاتي بدون يديك .النقطه العمياء .جنوط 19 .كشافات حساسه للضوه . مساحات حساسه للمطر .فوانيس ضباب. مساحات خلفيه .سقف بانوراما .مفتاح ذكي ومانع سرقه ومزايا اخري للمفتاح .شاشه بها معلومات عن ضغط العجل والسياره .بها R Link .GBS ونظام ملاحه .2 USB.تدفئه للكراسي امامي وخلفي .فرامل يد كهربائيه تعمل اتوماتيك فور ايقاف الموتور.الكراسي الخلفيه منطويه ليصبح طول الشنطه الخلفيه حتي ظهر الكراسي الأماميه حوالي 2 متر .حجم الشنطه الخلفيه 472 لتر.نظام مثبت ومحدد السرعه.مرايا كهربائيه .مقاعد جلد فاخره .مراية الرؤيه الخلفيه ذاتية التعتيم وبها كاميرا .حساسات ركن امامي وخلفي وكاميرا وتصدر صوت تحزيري اذا اقتربت من اي سياره من اي اتجاه.ايكو لتوفير البنزين .عجلة قياده ملتي فنكشن
130 حصان موتور 1200 تربو وسحبها قوي جدا واتزانها علي الطريق رائع واستجابتها في القياده رائع

الف مبروك وربنا يديك خيرها ويكفيك شرها ان شاء الله
انا محتار بينها وبين التوسان والبيجو 3008 الشكل الجديد وخايف صراحه من ماركة الرينو وكمان ناس قالولي قطع الغيار غالية ومش متوفرة وموضوع الريسيل برضو سيء فايه راي حضرتك تنصحني بايه