الموضوع: عاوز اروح من مدينة نصر للعاشر من رمضان ؟؟؟؟؟

انزل من مدينة نصر الى الاوتوستراد ناحية النادى الاهلى كدة هتلاقى جمبيها كوبرى اطلعة و كمل.

دة كمالة الاتوستراد, هتلاقى الشارع بيلف بيك شمال و فى الاخر خالص هتلاقى انك وصلت مساكن شيراتون و على يمينك بنزينة كالتكس.

لما تعدى البنزينة, هتلاقى كورى فى وشك (دة يوديك صلاح سالم) و يمينة تروح المطار, احنا بأة عايزين شمالة, هتلاقى نفسك ماشى جنب صور الكلية الحربية على شمالاك.

هتلاقى الشارع واخدك يمين, هتكمل معاة علاطول و هتلاقى المطار على يمينك. هتفضل كدة بتاع 3 او 4 كيلو مثلا لحد لما تلاق كوبرى (كوبرى الهايكستيب), هتطلعة و كدة تبقى نزلت طريق الاسماعيلية و بورسعيد.

هتمشى فية علاطول, هتعدى التجنيد و بعدين مدينة العبور و بعديها مدينة الشروق.

و بعدين هتلاقى كوبرى اطلعة و كمل (فية رادار فى الحتة دية فا متزودش عن 100), شوية هتلاقى كوبرى تانى, ماتتلعهوش, خليك من جنبة يمين و هتلاقى صينية, هتخش فيها شمال تلاقى المنطقة الصناعية هناك.

انا متشكر جدا ليك يا باشا بس مفيش طريق من الدائري انا ساكن في زهراء مدينة نصر


وشكراً .............

فية تطلع الدائرى و تمشى فى الاتجام الشمال و تنزل منزل الاسماعيلية/بورسعيد و دة هينزلك قبل تجنيد الهايكستيب و تكمل الباقى.

المشاركة الأصلية كتبت بواسطة memoo_1st

مفيش طريق من الدائري انا ساكن في زهراء مدينة نصر

أكيد في طريق من الدائري
ويعتبر أفضل طريق ليك
وهو كما قل الأخ ابيزا

معلش يا جماعة يعني انا عارف لحد الهايكستب بعد كدة هكمل علطول ومش هنزل نفق العبور وبعدين افضل ماشي لحد لما الاقي الكوبري الي اطلعة وبعدية الكوبري الي مش هطلعة
صح كدة ولا لا


وشكراً...............

تمام
صح كلامك