السلام عليكم ورحمة الله
قدامي هوندا 954 فاير بليد 15000كم بس موديل 2002 استيراد بتعمل كام ومتشكر
مطلوب فيها 50000جنيه ايه رايكم انا شايف سعرها 45000 كحد اقصي يكون كويس
وكمان فيه cbr f 600 2003 عاملة 35000 كم طالب 35000 جم
افيدوني افادكم الله
عرض للطباعة
السلام عليكم ورحمة الله
قدامي هوندا 954 فاير بليد 15000كم بس موديل 2002 استيراد بتعمل كام ومتشكر
مطلوب فيها 50000جنيه ايه رايكم انا شايف سعرها 45000 كحد اقصي يكون كويس
وكمان فيه cbr f 600 2003 عاملة 35000 كم طالب 35000 جم
افيدوني افادكم الله
فينكم يا جدعان
!!!!!!!!!!!!!!!!!!!!!!!!!!!!!!!!!!!!!
ايه ياجماعة محدش عايز يفيدني :36_1_31:
خليك في الهوندا ال 900 جامدة وسعرها 50 كويس بردوا علي فكرة لو عرفت تنزل عن كدة يبقي مصلحة بس هوا دة الرينج بتاعها اصلا وخلي بالك دي موديل 2002 من بعد ال 2000 السعر بيعلي عن الي قبل كدة
وكمان المكنة دي انا ركبتها الصراحة ملهاش حل وخد بالك كويس وانت سايق
شكرا ياباشا ايه رايك 954 ولا cbr 600 rr 2004 2000 km
ومطلوب فيها 50000جم
سوري عاملة 20000كم
هوا طبعا كل ما الموديل كان احدث ميزة حلوة بس ال 600 اضعف من ال 954
علشان كدة لو عايز تركب ريس كويس خليك في ال 954 بسم الله ما الشاء الله عليها مكنة ملهاش حل والسعر معقول بالنسبة للموديل
بس تكون بتسوق ريس بقالك فترة ومتعود علية علشان مينفعش تتعلم علي ال 954 دي خالص الغلطة بجون يا باشا
شكرا سعادة الباشا
بعد سنة حبيت ابيع اي واحدة منهم تنباع اسرع ومتخصرنيش كتير
كله بيخسر
وانت ضامن يعني بعد السنه ديه يكون الموتوسيكل موجود ما ممكن تنقلب بيه ولا حاجه
ويدشدش مثلا يعني
هل انت مبتدىء؟
هل ركبت ال 954 عايزك تركبها وتمشي على 160 وتقولي اخبار الثبات ايه
لو عايز حاجه كويسه يبقى ال 600 افضل
وكمان مين الي ضاحك عليك ومديك الاسعار ديه ههههههههههههههههه
600 موديل 2003 ب 35 ؟
محددتش هل F4 ولا F4i ولا ب f3
رمتها كده وزي ما تيجي تيجي؟؟؟
مالك ياحبيبي داخل ناشف كدا ليه هدي اللعب شوية انا باركب موتوسيكلات من 20 سنة بس توقفت فترة وبفكر ارجع تاني just for fun والزحمة كمان.
وبعدين 160 ايه ياباشا وهي دي يعني اقصي سرعة بخيالك فين 200و250
بس مش السرعة هي القصة التجميع (torque) هو الاهم لتفادي غلطات سواقة العربيات حواليك ومفاجئات الطريق
وسؤالي مش من الناحية الفنية لو ركزت في سؤالي كويس
من ناحية الاسعار وسوقهم(الناحية العملية) والا كنت خدت الياماها r12004:2005 تحفة بمعني الكلمة بس سعرهم علي ماسمع بينزل بسرعة وحاجاتهم صعبة.
وبعدين مش علشان عضو قديم تخبط كدة
عندك رد علي استفساري ok
انا لا داخل ناشف ولا بتاع انت الي شكلك فاهم غلط
مش حكاية تركب موتوسيكلات من امتى؟
وكمان احنا مش في مسابقه مين بيركب من زمان
و انا لما قلتلك 160 مش معنى ديه اقصى سرعه ديه ولا
حاجه ديه بالنسبالي الهادي بتاعي
انا بقولك انها بعد ال 160 ثبتها مش جامد واسئل اي حد
فما بالك بال 240 وطالع جرب وانت تشوف
وانا لما ركزت على نقطة الثبات ديه مهمه لان اكيد الواحد لازم يقفل العداد فا يبقى ضامن ايه الموتوسيكل
وكمان مين قالك ان الياماها بينزل سعره
اي موتوسيكل في مصر لو عدى رينج ال 40 بتطر تقلل من سعره كتير عشان تعرف تبيعه مش شرط نوعه ايه اوي
وانت كمان فاكر ان اقصى سرعه 250؟؟؟؟
عمرك جبت ال 340 ؟
كان ممكن توضح ان اجابتي كانت ناشفه زي ما بتقول
بطريقه تانيه احسن
ولو بصيت على اجابتي في الموضوع التاني حتلاقيها نفس
الطريقه بس صاحب الموضوع طلع راجل زوق
على العموم ربنا يوفقك
سلام
بتقولي ينقلب.....قول بعد الشر.....لاسمح الله
وحصل خير عمووما
انا بوضحلك بس مش اكتر بش بفول عليك لا سمح الله
وحصل خير فعلا
مع السلامه
الله يسلمك ياجميل
اية يا جماعة هدوا اللعب شوية اغيب عليكوا يومين تعملوا في بعض كدة
إن شاء الله تجيب ال 900 يا باشا ونطلع نشد احنا الثلاثة
بلاش نشد علشان محدش يفهمني غلط نطلع خروجة احنا الثلاثة
مفيش حاجة ياباشا دي بس مداعبة علي الماشي
وطبعا يحصلي الشرف بس اجيبوه الاول
بلاش شد وخصوصا بالمهندسين هاهاها
سلام
هو انا ياربي مدخلش موضوع واتابع الردود الا لما الاقى حاجه خرج فيها صاحب الموضوع مع يوزر ابن حلال شرف ودخل يرد على الكلام الى ادامه ويخرجو بره القهوه يكسرو الطئاطيئ على بعض :)
الله يخرب بيت الدومينا الى تعمل فى الناس كده يا ناس :)
عموما ردى بعد تجربه فى الغردقه على طريق سفاجا بالرييس 954 كانت شديده عن اى رييس جربته
وانا عشان محدش يمسك فيا ويطلعلى قطه فطسط فى كلامى انا مجربتش غير دى وواحده تانيه مش فاكر ايه هي بس كان متهيالى انها يماها
( جبت بال954 لحد 280 تقريبا وقابلت عربيه ماشيه تسحلف على الطريق قطعت عليا خلوتى :)
ها ها والله انت دمك زي العسل
954 بتجيب لغاية 300 فعلا ومتهيئلي 954 عزمها اكبر من 2004
وكمان وزنها اخف
بس الياماها الهورس باور اعلي
بيني وبينك انا برضه مفهمش فيهم اد كده بس بحاول اجتهد يمكن ابيع الاوبل واجيب واحده ريس 4 كراسى :)
الاسعار متفاوته ياجماعه تبع الحاله الكليه للمتوسيكل يعني انا معايا Cbr 600 Rr3 موديل 2004 وصلت الي 50000 واتفرجت علي اختها بس حاله اقل ب 35 اما بالنسبه لسعر 954 لاتزيد فعلا عن 35 لوبحاله لاتقل عن 90 او 95 %
45000 جنيه مش 35000
انا مش عايز افتي بس معتقدش تجيب 300 من غير تعديل فيهااقتباس:
954 بتجيب لغاية 300 فعلا
:8954[1]:
انا اسمى عمرو اردنى وهايش فى مصر وهجيب ان شاء الله ريس على ادى يعنى ممكن اجيب Cbr 250 او Cbr 400 بس انا عاوز اعرف حاجة انا لوجبت 250 او 400 ممكن تطلعوا معايا واجيلكم مصر او لو انتوا فى اسكندرية ممكن نتقابل بجد ولا الناس الى بتركب حاجات عالية كدة مابتبصش للى معاهم Cc قليل بجد انا مجنون بالريس والقصص دى وعندى افلام تعليمية وحاجات جامدة ممكن ابقى صديق ليكم بجد ولا كلام على الفاضى وفض منتديات :-)
:S_thum1[1]: http://www.youtube.com/watch?v=8-fHJ...rom=PL&index=6
شوف الكليب ده وقولي ايه رايك
هي عموما اسرع من معظم العربيات السوبر سبورت زي الفيراري مثلا
:satelite: