مع الأسف انا كسرت المرايا الجانبية للألتو 1100 نتيجة انها لمست اتوبيس فهل لو ركبت المراي برة التوكيل العربية حتخرج من الضمان خاصة ان ميعاد صيانة 5000 كم السبت الجاي يرجي الرد واقتراح اماكن لتركيب المرايا وشكرا
مع الأسف انا كسرت المرايا الجانبية للألتو 1100 نتيجة انها لمست اتوبيس فهل لو ركبت المراي برة التوكيل العربية حتخرج من الضمان خاصة ان ميعاد صيانة 5000 كم السبت الجاي يرجي الرد واقتراح اماكن لتركيب المرايا وشكرا
ألف سلامة عليكي وعلي العربية
اولا ما تزعليش نفسك... دي نفحة العربية الجديدة ... لابد منها
ثانيا ما تكسليش علي المراية لأنها عينيكي علي الطرق من وراكي
ثالثا .. انا لسه سامع انه فيه حد في التوفيقية بيبيع قطع غيار الالتو المراية ب 175
بس انا لو مكانك هاركبها في التوكيل حتي لو كانت اغلي
عموما انا لا اعتقد ان ده يخرجها من الضمان
تحياتي
شكرا جزيلا على الرد لكن المحل الى في التوفقية يرن ومحدش بيرد فياليت لو حد يعرف محل تاني وشكرا للجميع
اعتقد انهم مأجزين علشان العيد
جربي معاهم تاني بكرة
وربنا ييسر الحال ويردو
مع الاسف يبدو ان المحلات سوف تظل مغلقة الى الاسبوع القادم هل لو رحت التوكيل بحالتها كسر في المراي وانبعاج في الرفرف فوق الكاوتش حتبقي مشكلة يعني التوكيل حيكتب العيب ده في دفتر الصيانه ومعرفش اصلحها بره ولا هما مالهمش دعوه بسمكرة العربية ياريت حد يفيدني وشكرا جزيلا د.حسام الزلباني
لا طبعا يا فندم
هما بيكتبوا اي خدش في العربية في الشيت بتاع الصينة بتاعهم
حتي لو خدش في الرفرف
بس تصليح العربية بره التوكيل -سمكرة- اعتقد انه ما يطلعهاش من الضمان .
بس انا مش متأكد من المعلومة دي
انا عموما عربيتي مخبوطة برضو في الرفرف و الباب الخلفي و ان شاء الله هاصلحها
بس مش هاقدر اوديها التوكيل علشان ما يركنونيش... و أنا مش حمل اني اسيب العربية
خالص
عموما يا فندم لا شكر علي واجب
وربنا يحافظلك عليها
مع الاسف شكلي حروح الصيانه بكرة قبل ماسمكرها وسوف اخبركم ما تم معي