الشبوره وانوار الانتظار: رجاء عدم استخدام نور الانتظار غير فى حالات الطوارئ

انا شغلى على الصحراوى (القاهره - الاسكندريه) وساكن فالمعادى
طريقى يومى باستخدم الدائرى والصحراوى

امس واليوم الشبوره قويه جدا

عندى تعليق على اغلب المركبات
رجاء عدم استخدام نور الانتظار غير فى حالات الطوارئ

تعريف حالات الطوارئ هى انك واقف على جانب الطريق ومنتظر الاغاثه
ويفضل على جانب الايمن من الطريق.

الملاحظ العربيات مشغله الانتظار وبتجرى
وبتغير حارات عادى جدا- وبتقف تنزل وتركب ناس

لما الانتظار بيشتغل انت كدا لغيت فكره الاشارات- مبعرفش انت عايز تروح فين

بلاش نخترع ونجود من عندنا - بلاد كتير عندها شبوره

شغل النور الوسط وليس العالى- امشى بسرعه الطريق - حافظ على مسافه امان اكتر من المعتاد- حاول تستخدم حاسه السمع بذياده فبلاش تشغل مزيكا عاليه فالعربيه
محبكش تجرى وتغرز- انا معاك الجرى فالشبوره ممتع ومثير لكن الحادثه مش بعيده عن اى حد فينا

فى فيديوهات كتير بتتكلم عن ازاى تسوق فالشبوره
عصام غنايم ومواتير بالعربى وتامر بشير وغيرهم

ياريت نغير طريقتنا فالسواقه وننشر المعلومه وانشاء الله نلاقى نتيجه مفرحه