صديق لي عمال يلعب في دماغي إني أأجر عربيتي وبيقول أن هذا الموضوع سوف يدر متوسط ربح شهري 3000 جنية هل حد جرب هذا الموضوع وهل لو عرفت شركة التأمين اني اؤجر العربية تلغى الوثيقة وما هي الضمانات التي تؤخذ على مستأجر العربية سواء كانت شركة أو أفراد
عرض للطباعة
صديق لي عمال يلعب في دماغي إني أأجر عربيتي وبيقول أن هذا الموضوع سوف يدر متوسط ربح شهري 3000 جنية هل حد جرب هذا الموضوع وهل لو عرفت شركة التأمين اني اؤجر العربية تلغى الوثيقة وما هي الضمانات التي تؤخذ على مستأجر العربية سواء كانت شركة أو أفراد
راجع الموضوع التالي
http://www.nilemotors.net/Forum/view...ghlight=#27191
حتاخد 3000 جنية لكن العربية حتتهلك جاااااااااامد كل الى بيأجر بيعمل الى هوة عاوزة فى العربية و بيقول دية مش بتاعتى انا مالى
انا رأى بلااااااااش
ن رايي انك ما تخاطرش بعربيتك علشان ممكن تدفع اضعاف اضعاف المبلغ دا في تلصيح العربيه و لا قدر الله لو عملت حادثه محدش حينفعك.اوعي تعمل كده و خلي عربيتك معاك و نام مرتاح احسن ليك
حكاية الـ 3000 في الشهر دي مش معقولة الا لو كنت هاتسيب العربية طول الشهر عند مكتب ايجار ودي فعلا فيها مشاكل وممكن العربية تروح بلاش...
الحل المضمون...انك يبقي عندك اتنين او تلاتة سواقين محترمين ومعرفة وضامنهم 100%....وهما يطلعوا بالعربية مع اي واحد عايز العربية في مشاوير...انا عن نفسي ناس كتير اصحابي عاملين كدة فعلا ...ممكن يطلع العربية مع سياح ...او مشوار المطار...او حتي مصيف مع واحد معرفة...
ياما بياجرها لمعارفة بس ....يعني اصحابة وقرايبة وبنفس سعر المكاتب...يعني بياجرها بس مش بصفة مستمرة ...وطبعا شغل السياحة هو ايلي بيكسب اكتر ..
كلام الاستاذ hero عين العقل
كلام الاستاذ hero عين العقل
يا بية الله يخليك....انا فعلا واحد صاحبي عامل كدة ...شاري لانسر 1600 مانيوال كاملة من المصرية بالقسط مع كونتاكت وبياجرها ....بس ما شاء الله معاه سواق ربنا يبارك فية ....بيعامل العربية كأنها بتاعتة....انا عن نفسي اجرتها منة شهر لشغل ...والعربية عملت في الشهر دة حوالي 4000 كم....بس السواق كان بيحافظ عليها ...وبيغسلها كل ما تتعفر وبياخد بالة منها كانها عيل من عيالة...
وواحد تاني ...شاري تاكسي ...ومشغل علية سواق محترم قوي برضة ....ودخل التاكسي بيدفع بية قسط عربية ملاكي .....
البيزنس برضة ....كويس ..
ربنا يبارك ليهم يارب ويرزق الناس رزق حلال طيب ....علي فكرة انا باعتبر الحكاية دي نوع من انواع المضاربة الاسلامية....وبتفتح بيوت ناس كتير ...واحسن من البنوك وفوايدها 100 مرة...