| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

  1. #1

    الصورة الرمزية freesoul

    رقم العضوية : 194713

    تاريخ التسجيل : 06Dec2016

    المشاركات : 13

    النوع : ذكر

    الاقامة : egypt

    السيارة: no

    السيارة[2]: mazda 3

    الحالة : freesoul غير متواجد حالياً

    افتراضي عيوب خطيره في فولفو Volvo S80, S60, V40 وكل الموديلات بداية من 2011 لحد 2015 - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    للاسف تم تاكيد وجود عيوب خطيره جدا فى جميع موديلات فولفو بداية من عام 2011 حتى عام 2015
    (يعنى موديلا 2011 و 2012 و 2013 و 2014 و 2015)

    طبعا كل الناس عارفه ان شركة فولفو كانت من افضل شركات السيارات فى العالم وكانت بتنتج افضل السيارات فى عوامل الامان والتصميم والكماليات
    وعشان كده انا شخصيا حزين جدا انى بكتب البوست ده وحزين جدا ان شركة فولفو وصلت للحالة السيئه دى

    بداية الموضوع الكارثي ده كان فى سنة 2010 لما شركة جيلي الصينية اشترت شركة فولفو
    طبعا كان وقتها خبر حزين جدا لكل محبي سيارات فولفو..
    وسبب الحزن الاكبر مش عشان ان فولفو تم بيعها لشركة صينية فقط
    لكن سبب الحزن الاكبر وقتها كان تخوف كبير من ان شركة جيلي متقدرش تتعامل مع تكنولوجيا متطورة زى تكنولوجيا فولفو
    وللاسف اتضح ان التخوف ده كان صحيح وكان فى محله : (

    شركة فولفو الان فى موقف كارثي نتيجة ادارة شركة جيلى الصينية لشركة فولفو

    فى معلومات اكيده ان كل العربيات الفولفو الى نزلت خلال الفتره من 2011 لحد 2015 موجود فيها عيوب خطيره فى الماتور
    وده تقريبا موجود فى كل الموديلات بلا استثناء سواء كانت s80 او s60 او v40 او اى موديلات اخرى

    سبب المشكلة الحقيقي ان كل العربيات دى نزلت بمواتير اسمها t4 و t5 واتضح ان المواتير دى فيها عيوب خطيره فى التصميم
    فى بداية المشكلة من سنوات قليله كان التوكيل فى مصر بينكر وجود مشكلة فى الماتور وكان بيتحجج ان المشكلة فى البنزين
    وبعدها التوكيل اتحجج ان المشكلة بسبب تحديثات فى السوفت وير, لكن استمرت المشكلة فى الزياده بعد تحديثات السوفت وير
    وفى النهاية بعد تضخم المشكلة بدرجة كبيره, بدأ ينتشر السبب الحقيقى للمشكلة وهو عيوب خطيره فى تصميم الماتور

    مواتير ال t4 كانت 1600 cc تربو وبتولد 180 او 200 حصان مثلا حسب موديل العربيه
    وكان تصميم الماتور سىء جدا لدرجة ان التربو كان اقوى بكتير من ان يتحمله الماتور ال 1600 سي سي
    فكانت النتيجه ان التربو بيسيح سبايك الماتور من الحراره العاليه والماتور بيتحرق وبيبوظ
    وبالفعل كتير من الملاك باظ عندها الماتور خلال عدد كيلوهات اقل من 50 الف كيلو
    وبعض الملاك باظ عندها الماتور خلال عدد كيلوهات اقل من 10 الاف كيلو للاسف كمان !!

    عربيات الفولفو زمان كان ماتورها بيستمر عشرات السنين بنفس حالته !!
    انهرده بعد امتلاك شركة جيلى الصينية لشركة فولفو وصل الحال بالشركة ان الماتور يبوظ ويتحرق خلال فترات لا تتجواز العام الواحد !!
    والكارثه كمان ان عيوب تصميم الماتور كانت مش مقتصره على الماتور فقط..
    دا كمان مأثره بدرجة كبيره على الفتيس وعلبة الدريكسيون كمان
    وكتير من الملاك بالفعل باظ عندهم الفتيس وعلبة الدريكسيون بالاضافه للماتور !!

    انا شخصيات فى وقت من الاوقات كان هيتضحك عليا من احد الملاك وكنت هشترى عربيه من العربيات دى
    كنت وقتها مش عندى معلومات واضحه و اكيده عن حجم المشكلة وطريقة تعامل التوكيل معاها
    لكن بعد مكتشفت ان المشكلة كبيره جدا ومنتشره بدرجة كبيره جدا فى مصر كان امانه انى لازم اكتب البوست ده واوعى الناس واحذرهم

    خلال الفتره الى فاتت كان التوكيل بيحتوى الموقف بانه يغير الماتور البايظ للملاك بماتور جديد مجانا على حساب التوكيل
    لكن الكارثه ان التوكيل كان بيغير الماتور ال t4 المعيوب بنفس موديل الماتور ال t4 تانى بدون تغيير وبدون علاج المشكلة
    وده بيرجح ان شركة فولفو الام وكمان التوكيل فى مصر مش عندهم حل للمشكلة الخطيره دى لحد انهرده
    والكارثه الاكبر ان فى عربيات فولفو غيرت ماتور مرتين و 3 مرات خلال فتره لا تتجاوز 4 سنين

    ومش بس كده, ده كمان التوكيل بيركن العربيات البايظه عنده فترات تصل ل 9 شهور لحد ميتم استيراد مواتير جديده
    تقريبا كان التوكيل عنده امل ان العربيات المعيوبه تخرج من الضمان بسرعه ومحدش يتكلم عن المشكلة قبلها

    السؤال الذى يطرح نفسه الان..
    ماذا بعد خروج السيارات المعيوبه دى من فتره الضمان الى كانت 5 سنوات ؟

    الاجابه ان بمجرد خروج العربيات دى من الضمان هتلاقى كل مالك عربيه محتاج يشترى ماتور جديد كل كم شهر بمبلغ 150 الف جنيه او اكتر !
    وده السبب ان كل الملاك تقريبا عارضه عربيتها للبيع على اولكس وبتخلصو منها دلوقت !!
    لان كل الملاك كانو بيغيرو ماتور ببلاش خلال فترة الضمان
    لكن بعد العربيات دى متخرج من الضمان كل مالك هيشترى ماتور جديد على حسابه الشخصي !

    انا حزين والله فعلا انى بكتبه بوست زى ده على براند كبير جدا زى فولفو
    لكن دى امانه وكان لازم اكتب واحذر الناس عشان محدش يتضحك عليه
    لان فى كتير من الملاك مش عندهم امانه فى البيع ومش بيقولو للمشترى عن عيوب العربيه الخطيره دى عشان يقدرو يبيعوها ويخلصو منها !

    احذرو يا جماعه من شراء اى عربيات فولفو انتاج موديلات 2011 لحد 2015 بسبب عيوب الماتور
    اكيد مفيش حد فينا عاوز يدفع مبلغ من 300 ل 500 الف جنيه فى عربيه مستعمله ويتفاجىء بعد شهور قليله انه لازم يشترى ماتور جديد ب 150 الف جنيه !

    فى نهاية البوست اتمني ان شركة فولفو توفر حل حقيقى للمشكلة فى المستقبل
    واتمنى ان التوكيل فى مصر يحترم اسم البراند الكبير الى معاه ويعترف بالمشكلة ويواجهها بدل مهما مستنين العربيات تخرج من الضمان عشان يخلو مسئوليتهم !

    رجاء المشاركه والتعليق من كل الساده الخبراء لنشر الفائده للجميع بخصوص الموضوع الخطير ده

    شكرا لحضراتكم

    : )


  2. #2

    الصورة الرمزية salam100100

    رقم العضوية : 160979

    تاريخ التسجيل : 02Jun2014

    المشاركات : 1,212

    النوع : ذكر

    الاقامة : Maadi

    السيارة: هويونداى i10 2013

    السيارة[2]: نيسان صنى 2015

    دراجة بخارية: Honda Shadow 400

    الحالة : salam100100 غير متواجد حالياً

    افتراضي -

    وكان تصميم الماتور سىء جدا لدرجة ان التربو كان اقوى بكتير من ان يتحمله الماتور ال 1600 سي سي
    فكانت النتيجه ان التربو بيسيح سبايك الماتور من الحراره العاليه والماتور بيتحرق وبيبوظ


    طيب لو العيب من التيربو- هل ممكن يستبدل او يتلغى خالص لحد ما المشكله تتحل
    ونحط بنزين 95 بدل 92
    طبعا اداء العربيه هيكون فالضياع بدون التيربو لكن نص العماء ولا العماء كله

    انا بفكر معاكم لوجود اى حل مؤقت منها احافظ على الموتور لحد ما يلاقوا حل للمشكله دى


  3. #3

    الصورة الرمزية freesoul

    رقم العضوية : 194713

    تاريخ التسجيل : 06Dec2016

    المشاركات : 13

    النوع : ذكر

    الاقامة : egypt

    السيارة: no

    السيارة[2]: mazda 3

    الحالة : freesoul غير متواجد حالياً

    افتراضي -

    اقتباس المشاركة الأصلية كتبت بواسطة salam100100 مشاهدة المشاركة

    طيب لو العيب من التيربو- هل ممكن يستبدل او يتلغى خالص لحد ما المشكله تتحل
    ونحط بنزين 95 بدل 92
    طبعا اداء العربيه هيكون فالضياع بدون التيربو لكن نص العماء ولا العماء كله

    انا بفكر معاكم لوجود اى حل مؤقت منها احافظ على الموتور لحد ما يلاقوا حل للمشكله دى
    بص هقولك حاجه..
    انت عارف شركة فولفو عملت ايه فى موضوع المواتير ده بعد 2015 ؟
    كل الى شركة عملته انهم بداية من 2016 وقفو استخدام المواتير ال t4 فى الموديلات الجديدة وبدلوها بمواتير تانيه اسمها t3 !!
    معنى انهم وقفو استخدام المواتير ال t4 بعد 4 سنين من المشاكل بدون ميوفرو اى حلول للمشكلة فده بيرجح انهم غالبا ملقوش اى حلول فعاله تقضى على المشكلة !!
    فكل الى اقدر اقولهولك ان المشكلة دى لو اتوفر ليها حل فى المستقبل مش هيتوفر غير عن طريق ابحاث فعليه من شركة فولفو واى حد يقولك اقتراحات تحل المشكلة دى وتمنع حدوثها يبقى بيفتى وبيكدب عليك.

    : )


  4. #4

    الصورة الرمزية salam100100

    رقم العضوية : 160979

    تاريخ التسجيل : 02Jun2014

    المشاركات : 1,212

    النوع : ذكر

    الاقامة : Maadi

    السيارة: هويونداى i10 2013

    السيارة[2]: نيسان صنى 2015

    دراجة بخارية: Honda Shadow 400

    الحالة : salam100100 غير متواجد حالياً

    افتراضي -

    انا شفت على olx انهاردا الاعلان التحزيرى
    مش عارف دا بتاع حضرتك ولا بتاع حد تانى
    لكن دى ضربه قاضيه للموديلات دى ولاصحابها


    اكيد ليها حل- كل مشكله وليها حل


  5. #5

    الصورة الرمزية freesoul

    رقم العضوية : 194713

    تاريخ التسجيل : 06Dec2016

    المشاركات : 13

    النوع : ذكر

    الاقامة : egypt

    السيارة: no

    السيارة[2]: mazda 3

    الحالة : freesoul غير متواجد حالياً

    افتراضي -

    اقتباس المشاركة الأصلية كتبت بواسطة salam100100 مشاهدة المشاركة
    انا شفت على olx انهاردا الاعلان التحزيرى
    مش عارف دا بتاع حضرتك ولا بتاع حد تانى
    لكن دى ضربه قاضيه للموديلات دى ولاصحابها


    اكيد ليها حل- كل مشكله وليها حل
    بص خلينى اقولك ان مفيش خلاف على ان شركة فولفو اكبر بكتير من ان عيب صناعة عندها يكون ضربة قاضيه سواء لموديلاتها او للملاك كمان
    صحيح فى مشكلة كبيره موجوده حاليا بعد ما الشركة اتباعت لجيلى الصينية
    بس فولفو شركة كبيره وليها تاريخ مش بسيط واكيد مازال فيها نفس المهندسين وفريق العمل الى قدر يوصل بالشركة انها تاخد اول مركز فى عوامل الامان وتكنولوجيا السيارات !
    والشركة المفروض يقدرو يحلو المشكلة لو قررو يعترفو بيها ويتحملو مسئوليتها ويواجهوها زى كل شركات السيارات المحترمه مبتعمل !

    هما بالفعل دلوقتي بيحاولو يوهمو الناس انهم متحملين المسئولية عن طريق تبديل المواتير البايظة ببلاش خلال فترة الضمان فقط..
    طيب والى يخرج من الضمان ؟؟.. ملناش دعوه بيه ؟؟
    كل ده تهريج والشركة لازم تعترف بعيوب الصناعة بتاعتها وتتحمل مسئوليتها وتواجهها !!
    بعد فترة الضمان هيحصل ايه لكل العربيات دى والملاك بتوعوها ؟..
    سوال صعب اجابته خصوصا ان كتير من العربيات دى خرجت من الضمان السنه دى بالفعل !!
    المشكلة مش هتتحل غير لما الشركة والتوكيل بتاعها يبطلو سياسة الهروب الى ماشيين بيها عشان يهدو الناس لحد مالضمان بتاع العربيات يخلص !!

    وبخصوص حقوق الملاك الى حضرتك للاسف منهم
    فى جروب على الفيس بوك معمول من فتره قليله لكل ملاك فولفو الى متضررين من الموديلات دى
    هما بيتجمعو دلوقتى مع بعض وبياخدو اجراءات قانونيه مع جهاز حماية المستهلك
    بياخدو اجراءات عشان يجبرو الشركة والتوكيل فى مصر انهم يتحملو مسئولية عيوب الصناعة فى الموديلات دى
    وان شاء الله الملاك ينجحو مع بعض فى اجبار الشركة انها تحل المشكلة
    سواء بتعديل الماتور او بتغيير الماتور كله لماتور مش فيه مشاكل او الشركة تعوض كل الملاك المتضررين من عيب الصناعه ويستردو عربيتهم المعيوبه لحد ميصلحو مشاكلها !
    ده لينك الجروب بتاع الملاك المتضررين : https://www.facebook.com/groups/1788719754755567

    تقدر تشارك معاهم وربنا يحفظك ويحفظ عربيتك ان شاء الله من اى مشاكل

    : )


  6. #6

    الصورة الرمزية freesoul

    رقم العضوية : 194713

    تاريخ التسجيل : 06Dec2016

    المشاركات : 13

    النوع : ذكر

    الاقامة : egypt

    السيارة: no

    السيارة[2]: mazda 3

    الحالة : freesoul غير متواجد حالياً

    افتراضي -

    تحديث: للاسف يبدو ان المشكلة بتتصاعد مع العملاء لان فى جروبات كتير جدا اتعلمت على الفيس بتتكلم عن المشكلة
    عدد كبير من ملاك فولفو المتضررين بيتكلمو على الجروبات دى عن قصصهم الشخصيه والمشاكل الى ظهرت معاهم من عيوب التصنيع

    امثلة للجروبات الخاصه بملاك فولفو المتضررين :
    https://www.facebook.com/DoNotBuyVolvoCarsinEgypt/
    https://www.facebook.com/groups/1788719754755567

    فعلا الواحد حزين جدا جدا انه بيقرأ كمية الشكاوى الكبيره جدا دى من الملاك على براند زى فولفو !!

    دلوقتى انا عندى سؤال واتمنى حد من التوكيل او شركة فولفو السويد يشوف السؤال ده ويجاوب عليه !!
    ليه شركة فولفو معملتش زى كل ماركات العربيات المحترمه واستدعت العربيات الى فيها عيوب تصنيع ؟
    هل الموضوع بسيط بالنسبه لشركة فولفو انها تخسر سمعتها لمجرد انها خايفه من تكلفة استدعاء عربيات معيوبه ؟

    : )


  7. #7

    الصورة الرمزية ahmed.biso13

    رقم العضوية : 183135

    تاريخ التسجيل : 08Jan2016

    المشاركات : 702

    النوع : ذكر

    الاقامة : cairo

    السيارة: tempra

    السيارة[2]: shahin

    الحالة : ahmed.biso13 غير متواجد حالياً

    افتراضي -

    الله يكون فى عونكم
    ماتور ب150000 كل كم شهر ده ثمن عربية
    الحل الوحيد ان شركة فولفو تتعهد بتغيير المواتير دى بتكنولوجيا تصميمها فى دولتها

    بالرغم من انى من محب السيارات الفولفو القديمة موديل 80


  8. #8

    الصورة الرمزية kokololososo

    رقم العضوية : 98566

    تاريخ التسجيل : 11May2011

    المشاركات : 117

    النوع : ذكر

    الاقامة : nasrcity

    السيارة: فيرنا مانيوال

    السيارة[2]: no

    دراجة بخارية: no

    الحالة : kokololososo غير متواجد حالياً

    افتراضي -

    hasad">

    عربيات فولفو الجديدة غالية جدا ومش حلوة خالص وكانت مع واحد أعرفه فيها مشاكل في الكهربا...



 

المواضيع المتشابهه

  1. Volvo XC60 2011
    بواسطة ATAB في المنتدى فولفو
    مشاركات: 0
    آخر مشاركة: 10-02-2016, 02:59 PM
  2. الافضل Cla 180 2015 او Volvo s 60
    بواسطة Ayman202 في المنتدى قســـــــــم المقارنــــات
    مشاركات: 6
    آخر مشاركة: 23-09-2015, 05:56 PM
  3. عيوب ومميزات فولفو 460
    بواسطة atala في المنتدى الأوروبـــى العـــــام
    مشاركات: 6
    آخر مشاركة: 01-03-2012, 02:55 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2