نصيحة
لا تشتري الآن بس لو عاوز تبيع بيع
واللي عاوز يغير عربيته او يشتري
منتظر طرح تيجووو الشكل الجديد فيس ليفت تو
لا يشتري الان اصبر شوية
واالي عاوز يبيع يلحق يبيع قبل انخفاض اسعار السيارات الاوربية
في اول 2018
عرض للطباعة
نصيحة
لا تشتري الآن بس لو عاوز تبيع بيع
واللي عاوز يغير عربيته او يشتري
منتظر طرح تيجووو الشكل الجديد فيس ليفت تو
لا يشتري الان اصبر شوية
واالي عاوز يبيع يلحق يبيع قبل انخفاض اسعار السيارات الاوربية
في اول 2018
شير
الناس فاكرة ان الحكومة هتسمح بخفض الاسعار
لعلمك
الجمارك الاوربى بتنزل بقالها ٥ سنين و الاسعار بتزيد مش معنى ان الجمارك هتتخفض ان سعر العربية هتنزل
انت فمصر ، متنساش
الاخ العزيز dbabis8
اولا احترم وجهة نظرك ولكن اسمح لي اختلف معاك
الحكومة انا مش هادافع عنها هى ظالم ومظلوم في نفس الوقت
اولا هل في تخفيضات في يناير 2018 ؟ ايوه في تخفيضات في يناير 2018
وكان في قبلها قبل كده؟ ايوة كان في قبلها قبل كده
طيب ماحسناش بيها ليه او بمعنى اصح كانت مش كبيرة اوي ليه
اقول لك
المستوردين ومصنعي السيارات (مجمعي هما مش بيصنعوا) في مصر
عاموا على عوم بقية الجشعين من ساعة تعويم الجنيه
احب اقولك ان الغلا اللي احنا فيه ده مش سببه تعويم الجنيه ممكن تعويم الجنيه
يكون نسبة كعامل في عملية ارتفاع الاسعار بس ميرفعهاش بالهبل زي ما احنا شايفين حوالينا
وده مش في العربيات بس هدوم - اكل - شرب ... الخ
فالحكومة مظلومة في ان كل التجار بيرفعوا السعر بالهبل في اي سلعة مش شرط العربيات
ولما تيجي انت تساله يتلكك بتعويم الجنيه
الحكومة ظالمة في ايه بقا اقولك
انها طالما كانت ناوية تحرر سعر صرف الجنيه يعني تعويمه
كانت لازم تعمل قانون يحدد هامش ربح التاجر
لان حاليا في ناس بتحط ارباح فوق 100% على السلعة ويقولك اصل بسبب
تعويم الجنيه
ممكن تراجع المواضيع بتاعتي في موضوع بيشرح بالدليل ازاي الناس دي جشعة
ومش لاقيه حد يلمها
المهم انا من خلال مواضيعي باحاول اوعي الناس
لان الحكومة زي ما انا قلت سايبة التجار تنهش في لحم الناس
ولو المستهلك اللي هو احنا قبلنا بالوضع الراهن وماخدناش اي رد فعل
وهو عدم الشراء سيتمادون في جشعهم
ما هو حاجة تجنن عربية جاية من بلدها مثلا بعد الجمارك والرسوم 150000 جنيه
يروح يبيعها ب 230000 جنيه مفيش حد بيكسب المكاسب دي ولا تجار المخدرات اظن
وتلاقي الناس برضه عارفه وبتروح تشتري
عموما في راكد من ستوك 2016
و 2017
غير ان الاوروبي هينزل 10%
وباقول اهوه لو منزلش السعر اعرف ان المستورد اضاف التخفيض لهامش ربحه
يعني متشتريش الا بعد تخفيض 10% فعلي من السعر الحالي
دا بالنسبة للاوربي
وعموما ده بيخلي باقية الماركات تعمل تخفيضات غصب عنها
للاسف المقاطعه مبتجبش نتيجه
من اكتر من 3 سنين وطلعت مقاطعه اسمها "خليها تصدى" فاكرينها ؟؟؟
مجابتش نتيجه
وفى مقاطعات تانيه زى مقاطعه شركات الاتصالات- ومقاطعه اللحمه وغيرها
المقاطعه مش هى الحل
الحل فى وضع قوانين وتطبيق القانون ومتابعه النتائج والرقابه
لو اى حاجه من دول متنفذتش - يطلع الحال اللى احنا فيه
احنا للاسف تحت رحمه التجار ومفيش حد بيدافع عننا
هذود حاجه يارب متدايقش بتوع المرور
قانون المرور الجديد بتاع النقط- هل هيجيب نتيجه
لا اعتقد هيعرفوا ينفذوه- منا خبرتى من زمان ان مفيش حاجه بتكمل للاخر
كارت البنزين- كاميرات سرعه ومراقبه وبتبوظ- مشى عكس الاتجاه وغرامه وسجن وغيرها من خطط وقوانين مش بتتنفز
الواحد فقد الثقه فى اى فكره جديده
احترم وجهة نظرك اخي الفاضل salam100100
بس احنا بنحاول نكون ايجابيين ونعمل رد فعل ايجابي
لو كل واحد قعد يقول مفيش فايدة وبث روح السلبية دي
هناخد على دماغنا اكتر واكتر
فيا ريت نكون ايجابيين شوية ان مكنش بالفعل يبقى بالقول حتى
يعني اللي عاوز يشتري براحته واللي عاوز يستنى براحته
وباسلوب تاني
يعني اللي عاوز ياخد على قفاه براحته محدش هيقوله انت رايح تاخد على قفاك ليه
بس ميقعدش يقول للي مش عاوز ياخد على قفاه
يا عم ما تاخد على قفاك انت كمان ما كل الناس بتاخد على قفاها اهوه
هى جت عليك انت
مقدرش اقول ان اللى بيشترى اليومين دول بياخد على اقفاه ولبس العمه واتضحك عليه
المشترى اليومين دول شايف السوق بقاله سنين مش مستقر
شايف كل حاجه حوليه بتغله- العقار- الاكترونيات- الاكل- العلاج- المدارس
شايف جشع التجار
شايف هبل اسعار المستعمل
شايف العربيات المستعمله المتبهدله واسعارها اللى مش راكبه مع الحاله
المجبر يشترى زيرو هيشترى زيرو مش عشان هو عبيط هو فاحتياج عشان كدا بيشترى
هو عنده اسبابه وظروفه ودرسها وعلى اساس كدا خد قرار شراء الزيرو
خلاص احنا وصلنه لمرحله مصدقين ان مفيش حاجه هترخص
فبالتالى انا هتعايش مع الوضع وهعوم مع التيار وهشترى بالغالى انهاردا
دى عقليتى- انا حزين من الوضع دا- لكن انا بحط اولاويات وبمشى عليها
انا عارف انها نظره تشائميه لكن دا الوضع اللى اغلبنا منوء فيه
رد الفعل الايجابى من وجهه نظرى
كل واحد يبتدى بنفسه- يكون امين فى شغله- يتعب فى تربيه ولاده عشان هم اللى هيصلحوا البلد
وربنا مبيضيعش مجهود حد تعب للخير
شكرا لموضوعك ومناقشتك الشيقه وربنا معانا لعمل الخير
اشكر الاخ العزيز salam100100
واحترم كل كلامك بس احب اختلف معاك في نقطة
اللي بيشتري مستعمل او زيرو عمره ما بيكون مجبر على حاجة
يعني بيشرب العصير الاصفرا بمزاجه
لانه مش مستعجل هو فلوسه في جيبه بيشتري وقت ما هو عاوز
لو معندوش عربيه بيكمل على نفس السيستم اللي ماشي عليه لحد ما يتخذ قراره
اذا كان بيركب مترو/ تاكسي/ اوبر ... الخ ولو عنده عربية عاوز يغيرها بيكمل بيها
امتى الواحد بيكون مجبر وغصب عنه سواء بيشتري مستعمل او زيرو
اقول لك مثال ودا مش كل الحالات طبعا
لو بيشتري حاجة هياكل من وراها عيش
عربية هيعملها توصيل مدارس / اوبر / تاكسي ... الخ
فده معاه فلوس عاوز يحولها لمشروع هيصرف من وراه
على بيت مفتوح واسرة مش هينفع يقعد جنب الفلوس كام شهر يستنى التخفيض
فبيضطر يشتري بالغالي غصب عنه
لا تنخدع بما يقولونه حاليا أن الموديل اللي بيبيعوه دلوقتي موديل 2018
اللي بيتباع دلوقتي دا موديل موقوف بره من 2016
والموديل الجديد نازل من بداية 2017 بره وفي السعودية والإمارات
احسن وصف للي بيتباع في مصر موديل 2015 ولكن انتاج/تصنيع 2017
ولما ندخل 2018
يبقى احسن وصف للي بيتباع في مصر موديل 2015 ولكن انتاج/تصنيع 2018
والشركة مش هتنزل الشكل الجديد الفيس ليفت تو الا بعد تصريف المركون من الشكل القديم
واللعبة اللي بيلعبوها على الناس أنهم ليرفعوا السعر ويقللوا المعروض علشان الناس تجري تشتري تحت الخوف من أنها تغلى اكتر مع أن مفيش اي تلاتين لأزمة لرفع السعر لان الدولار بينزل مش بيطلع بس محدش بيفهم