عرض للطباعة
السلام عليكم
سؤال ضرورى إلى خبراء الكاوتش فى منتدنا العزيز
كاوتش سيارتى مقاس 185/65/R15 وعايز أغيره لقيت عرض على الكاوتش مقاس 205/65/R15 والراجل قالى أنه ينفع يركب
أنا عربيتى النترا 2008 الجنط العادى Standard عرض الجنط من الداخل 5.5"
السؤال هل ينفع أغير الكاوتش للمقاس الجديد ولا حيضر العربيية ؟
انا مش خبير كاوتشات لكن فى مشكلتين فالمقاس:
1. 205 ميركبش على نفس جنط ال185
ولو افترضنا ان ال205 ركب
2. ال65 هتخلى العربيه اعلى من الطبيعى
انا غيرت من 185/65 الى 195/60 ودا مقاس مناسب جدا لكن للاسف الاتزان بقا اسوء
وحاجه على جمب بتاع الكاوتش شكله مش متمكن
دا لينك تقدر تجرب مقاسات مختلفه وتعرف ابعادها
https://tiresize.com/tyre-size-calculator/
Tire Width for a Wheel/Rim Size Chart
أعتقد الإتزان عندك بقى أسوء لأنك نزلت من 65 إلى 60
لكن فى حالتى أنا حفضل محافظ على 65
الفرق اللى حيزيد عندى العرض من 185 إلى 205 و الأثنين بيركبوا على عرض داخلى للجنط 5.5 إنش
اقتباس:
المشاركة الأصلية كتبت بواسطة georock
لو ركبت المقاس اللي حضرتك عايزه ده.. فحضرتك عندك كذا مشكلة...
1- العربية هتعلى عن الأرض حوالي 13 مم.. وده هيسبب ضعف في الثبات بشكل واضح... خصوصا في الملفات والغرز.
2- فرق محيط العجلة حوالي 82 مم .. وده هيتسبب في خطأ قراية العداد.. وهيخلي العربية ماشية بسرعة أكبر من سرعة العداد بحوالي 4%... يعني لو حضرتك ماشي على العداد على 100.. هتكون ماشي فعليا على 104 كم/س.
3- المقاس ده هيزود استهلاك البنزين جوه البلد وخصوصا في الزحمة أو عند تزويد السرعة.
4- زيادة المقاس بالطريقة دي هيحط حمل زيادة على الموتور .. كإنك شايل معاك وزن زيادة بشكل دايم.
5- العجل هيحك منك في بطانة الرفرف مع المطبات القوية أو مع تحميل العربية بأوزان أو ناس في الخلف بالذات.
في المقابل.. مميزات المقاس ده:
1- هيعلي العربية عن الأرض.. وتتفادى احتكاك المطبات العالية بالعربية.
2- ممكن يوفر معاك بنزين في السفر وخصوصا على السرعات الثابتة.
عموما.. المقاس الصح بالنسبالك هو 205/60r15... وإن كان تركيبه على جنط 5.5 إنش مش هيخلي الفردة مرتاحة.. واحتمال أطراف مداس الفردة ما تلمسش الأرض.
مقاس 195/60 أفضل من ناحية التركيب على الجنط... بس هيعلي العربية حوالي 6.5 مم.. وهيعمل فرق زيادة في السرعة حوالي 2%.
...
انا نزلت من 65 ا60 عشان احافظ على ارتفاع العربيه
الاتزان بقا اسوء عشان كان المفروض اعرض الجنط ونوع الكاوتش جود يير تركى
ال65 دى عباره عن ratio من عرض الكاوتش
يعنى ارتفاع الكاوتش 65% من عرضه
ارتفاع الكوتشه ال205/65 اكتر من 185/65
قصدى 65% من 205 اكبر من 65% من 185
اللينك الاول هيساعد حضرتك فمعرفه الابعاد وتقدر تقارن مقاسات الفرد المختلفه
ثانيا اللينك الثانى فى جدول بيبين عرض الجنط واكبر عرض كاوتشه تركب عليه
الجنط ال5.5 بوصه اكبر عرض فرده كاوتش تركب 195
الجنط ال6 بوصه اكبر عرض فرده كاوتش تركب 205