الموضوع: احســــاس الزيـــــرو - موضوع مثير

يعنى يااخوانا حد يطلع يقولنا ايه فايدة الموضوع دا !؟

المشاركة الأصلية كتبت بواسطة Wolfenstion

يعنى يااخوانا حد يطلع يقولنا ايه فايدة الموضوع دا !؟

حضرتك ممكن تعتبرها دردشة بين مالكي البروتون.

أستاذ احمد بجد موضوع جميل , بالنسبالي كانت اول مرة احس شعور الزيرو كان مع الجين تو , بس زعلت اوي لما استلمتها والسنتر مكنش شغال, هزت ثقتي فيها شوية, بس بعد ما روحت للتوكيل عرفت انه مكنش عيب, ده فيوز السنتر كان متشال علشان العربيات دي لما بتيجي عالمركب بكون المفاتيح في التابلوه وممكن مفتاح منهم يعلق ويقفل العربية والمفاتيح جوه, وساعتها تبقى مشكلة, بس دلوقتي ثقتي رجعت اكتر من الاول فيها.

تحياتي لكل البروتوناوية وكل سنة وانتم طيبين كلكم وفي احسن حال.

السلام عليكم و رحمة الله وبركاته

طبعاً يا استاذ احمد فكرة مختلفة علي منتدي بروتون الكريم وانا بصراحة حبدئ بشعوري اتجاه الزيرو كان عامل ازاي

اولاً يا جماعة انا حجزت العربية من عن الطارق موتوز ( م.طارق اسماعيل ) و هو موزع معتمد لكل مركات عز العرب و التي من ضمنها البروتون طبعاً

المهم انا حجزت العربية و العربية جات في اسبوعين من تاريخ الحجز ..... و اتصلوا بيا و قالولي او بمعنه اصح كلمه والدي و قالوله ان العربية وصلت .....فاولدي قالوهم يعني ممكن استلم بكره ..... قالوله لالالا حضرتك مش حينفع لان العربية لسه مجاش الجواب بتاعها ......... والدي قالوهم امتي قاله له ان شاء الله بعد 3 ايام بأذن الله ........ والدي قال اوك ما فيش مشاكل
المهم ساعت لما كلموا والدي كنت انا مفروض اروح من الكليه و طبعاً كان معايا العربية القديمة ......... فوالدي قالي مؤمن العربية جت عن الطارق في كارفور .........قولتله انا حطلع من الكيله علي كارفور و حاروح اتفرج علي العربية تمام يا جماعة ..... روحت لاقيت 2 اسود و واحده نحاسي جاهزين علي الاستلام ...قعت افحص العربية من بره و طبعاً الناس الي وقفه بتمسح العربيات ( العمال يعني الي خاصيين بالطارق ) نفسهم يسألوا انت حضرتك عايز ايهههههههه
...... و طبعاً شفتها و كنت فرحان بيها اوي اوي ......
وروحت و انا مبسوط و صورت العربية و وورتها لوالدي و كان الانطباع الاول جيد و اتفقت انا و هو علي ان احنا نروح بكره الي الطارق علشان يشوف العربية بنفسه علي الطبيعه و كان اليوم التالي الجمعة و لكن كانت المفاجئه لما رحنا تاني بوم .......

اتمني ان يكون الجزء الاول من الموضوع الخاص بالزيرو الخاص بعربيتي يكون كويس و نال علي اعجابكم ...... و لو عجبكم الموضوع انا تحت امركم و حكمل طبعاً بس انا خايف اكون طولت عليكم
و انا تحت امركم

شوفوا يا جماعة.
موضوع لذة و متعة الزيرو ما لهوش أي دعوة بنوع أو ماركة العربية على الإطلاق، حتى و لو كانت 128.

انا ركبت زيرو من أول فيات 125 و شاهين باعتباري صاحب العربية، و مستني إن شاء الله اركب بروتون زيرو بس بعد شوية فحص و تدقيق.

كفاية بس ريحة العربية و صوتها و عفشتها و فراملها اول ما تكون زيرو ( كل الحاجات دي مع بعض) مهما كان نوعها فهيكون لها زهوة و رونق. حتى لو كانت عربية حنطور زيرو برضو هيكون ليها نفس الحكاية.

المثل بيقول " كل غربال جديد و له شدة " . بس كدة!

فعلاً الاحساس الاول للعربية و احساس الزيرو دا راجع ان الواحد يكون مقتنع بالماركة تمام الاقتناع و عن جداره كمان
و دا فعلاً الي حصل معايا لما العربية شفتها اول مره و انا كنت لسه مستلمتش
وزاد الاحساس دا اكتر لما استلمتها و مشيت بيها
بس الحمد لله علي كل حال .......
بس اكتر حاجة انا بكرها في الزيرو ان العربيه بتكون خايف عليها اوي اوي وانت ماشي و دا برضه بيقلل الاحساس دا و لكن بالتعود قلبك بيموت و بتتمتع بيها فعلاً ...........

المشاركة الأصلية كتبت بواسطة momenhamdy

السلام عليكم و رحمة الله وبركاته

كان اليوم التالي الجمعة و لكن كانت المفاجئه لما رحنا تاني بوم .......

اتمني ان يكون الجزء الاول من الموضوع الخاص بالزيرو الخاص بعربيتي يكون كويس و نال علي اعجابكم ...... و لو عجبكم الموضوع انا تحت امركم و حكمل طبعاً بس انا خايف اكون طولت عليكم
و انا تحت امركم

متكروتناش, ايه اللي حصل بعد كده.